ގެސްޓު ހައުސްއެއްގެ ތެރޭގައި 11 އަހަރުގެ ކުޑަ އަންހެން ކުއްޖަކު ރޭޕް ކުރި މައްސަލައިގަ ހައްޔަރު ކުރި މީހާ ޝަރީއަތް ނިމެންދެން ބަންދުކޮށްދޭން ކޮމިޝަނާ އޮފް ޕޮލިސް މުހައްމަދު ހަމީދު އެދިވަޑައިގެންފި އެވެ.
އެ ކުއްޖާ ރޭޕް ކުރި މައްސަލަ ފުލުހުންނަށް ހުށަހެޅީ މިމަހުގެ 10 ވަނަ ދުވަހު އެވެ. އެ މައްސަލައިގަ އިއްޔެ ކޯޓު އަމުރެއްގެ ދަށުން ހައްޔަރުކޮށްފައިވަނީ އިއްޔެ އެވެ.
ސީޕީ ހަމީދު ކުރެއްވި ޓުވީޓެއްގައި ވިދާޅުވީ އެ ކުއްޖާ ރޭޕްކުރި ކަމުގެ ތުހުމަތުގައި ހައްޔަރުކުރި މީހާ ޝަރީއަތް ނިމެންދެން ބަންދުގައި ބަަަހައްޓައި ދިނުމަށް އެދިވަޑައިގަތީ ކުޑަކުދިންނަށް ޖިންސީ ގޯނާކުރާ މީހުންނާ މެދު ހާއްސަ އުސޫލުތަކަކަށް އަމަލުކުރުމުގެ ގާނޫނުގެ ދަށުން ކަމަށެވެ. އޭނާ ވިދާޅުވީ މިދިޔަ ފަސް އަހަރު ތެރޭގައި ފުލުހުން މިފަދަ އަމުރަކަށް އެދުނު މިއީ ފުރަތަމަ ފަހަރު ކަމަށެވެ.
Deriving authority from the law on Effecting Special Procedures Against Child Sexual Offenders (12/2009) I have requested the @PGO_MV to apply for an order to have the alleged rapist of the 11 year old, remanded in custody until the trial outcome. First such request in 5 years. pic.twitter.com/5UwHpt52em
— Mohamed Hameed (@M_Hameedh) June 13, 2020
އެ މާއްދާގައިވާ ގޮތުން، ކުށުގެ ތުހުމަތު ކުރެވޭ މީހަކާ މެދު، އެ ގާނޫނުން ލިބިދޭ ހާއްސަ އުސޫލުތަކާ އެއްގޮތަށް އަމަލު ކުރުމަށް، ފުލުހުންނަށް ފެނިއްޖެ ހިނދެއްގައި، ގާނޫނުގެ ދަށުން ކުށެއް ކުރި ކަމުގެ ތުހުމަތުގައި ހައްޔަރު ކުރެވޭ މީހާގެ ތަހުގީގުގެ މަރުހަލާ އާއި ޝަރީއަތުގެ މަރުހަލާ ނިމެންދެން، ބަންދުގައި ދެމެހެއްޓުމުގެ އަމުރަކަށް ޕޮލިސް ކޮމިޝަނަރަށް ޕީޖީގައި އެދިވަޑައިގެންނެވޭނެ އެވެ.
