ރަޝިޔާއާއި ޔޫކްރެއިނާ ދެމެދު ކުރަމުންދާ ހަނގުރާމައިގައި ދެ ފަރާތުގެ ހަކަތައިގެ ވަސީލަތްތަކަށް ހަމަލާ ދިނުން ވަގުތުން ހުއްޓައިލުމަށް ދެ ޤައުމުން އެއްބަސްވެފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ބުނެފިއެވެ.

ޓްރަމްޕް އޭނާގެ ޓްރުތް ސޯޝަލް ޕްލެޓްފޯމުގައި ލިޔެފައިވާ ގޮތުގައި ރަޝިޔާއާއި ޔޫކްރެއިނާ ދެމެދު ހަކަތައިގެ ދާއިރާއާ ގުޅޭ ހަމަލާ ބަދަލުކުރުން ހުއްޓައިލުމުގެ އެއްބަސްވުމެއް ވަގުތުން ތަންފީޒުވާން ފަށައިފައިވެއެވެ. ޓްރަމްޕްވުމަކީ އެއްބަސްވި ގޮތާއި ހިލާފު ނުވުމަށް ގޮވާލާފައި އެވެ.

Advertisement

ނަމަވެސް ޔޫކްރެއިނުގެ ރައީސް ވޮލޮޑިމީރު ޒެލެންސްކީ ބުނީ މި އިޢުލާނަކީ އޭނާއަށް ހައިރާންކަން ގެނުވި ކަމެއް ކަމަށާއި، އެފަދަ އެއްބަސްވުމެއް ވެފައިވާ ކަމުގެ މަޢުލޫމާތު ލިބިފައި ނުވާ ކަމަށެވެ. ރަޝިޔާއިން ހަކަތައިގެ ވަސީލަތްތަކަށް ހަމަލާ ދިނުން ހުއްޓައިލާނަމަ ޔޫކްރެއިނުން ވެސް އެ ކަމަށް ތައްޔާރަށް ތިބި ކަމަށް ޒެލެންސްކީ ބުންޏެވެ.

ރަޝިއާއިން މި އެއްބަސްވުމާ ބެހޭ ގޮތުން ރަސްމީކޮށް އެއްވެސް އެއްޗެއް ހާމައެއް ނުކުރެ އެވެ. މީގެ ކުރިން ވެސް ސެޕްޓެމްބަރު މަހު ޓްރަމްޕް މިފަދަ ވާހަކައެއް ދައްކައި، ދެ ޤައުމުން ހަކަތައިގެ ވަސީލަތްތަކަށް ހަމަލާ ދިނުން ހުއްޓައިލަން އެއްބަސްވި ކަމަށް ބުނި ނަމަވެސް، އެ ފަހަރު ޢަމަލީ ގޮތުން ނަތީޖާއެއް ފެނިފައެއް ނުވެ އެވެ.

ރަޝިއާގެ ރައީސް ވްލަޑިމިއާ ޕޫޓިންއާ ހުކުރު ދުވަހު ވާހަކަ ދެއްކުމަށް ފަހު، ޓްރަމްޕް ވަނީ ރަޝިޔާއިން އެމެރިކާއަށާއި ދުނިޔޭގެ ބާޒާރަށް ޑީސެލް ފޯރުކޮށްދޭ އެއްބަސްވުމެއް ވެސް އިޢުލާންކޮށްފައިވެއެވެ. ޒެލެންސްކީ ވަނީ އެ އެއްބަސްވުމަށް ވެސް ފާޑު ކިޔައި އެއީ ޕޫޓިންއަށް ދޭ "ހަދިޔާ" އެއް ކަމަށް ސިފަކޮށްފައި އެވެ.

ރަޝިޔާގެ ޑީސެލް ބޭރުކުރުމުގެ ހިފެހެއްޓުންތައް ލުއިކުރުމުން، ހަނގުރާމައިގެ ޚަރަދު ހަމަޖެއްސުމަށް ރަޝިއާއަށް އިތުރު އާމްދަނީ ލިބޭނެ ކަމުގެ އިންޒާރު ޒެލެންސްކީ ދިނެވެ.

އެމެރިކާގެ ތެލުގެ އަގުތައް މައްޗަށް ދިއުމަކީ ޓްރަމްޕްގެ ސަރުކާރަށް ކުރިމަތިވެފައި އޮތް ސިޔާސީ ފިއްތުމެކެވެ. އެމެރިކާގެ އޮޓޮމޯބައިލް އެސޯސިއޭޝަން (އޭއޭއޭ)ގެ ތަފާސްހިސާބުތައް ދައްކާ ގޮތުން އެ ޤައުމުގެ އެވެރެޖް ޕެޓްރޯލް ގެލަނެއްގެ އަގު މިހާރު ހުރީ 4.36 ޑޮލަރުގައެވެ. މީގެ އެއް މަސް ކުރިން އެ އަގު ހުރީ 4.30 ޑޮލަރުގައި ކަމަށް ވާއިރު، މީގެ އެއް އަހަރު ކުރިން ހުރީ 3.09 ޑޮލަރުގައެވެ.