ވޯލްޑް ކަޕް 2026 ގެ ފައިނަލުގައި ސްޕެއިން އަތުން އިތުރު ވަގުތު ކުޅެގެން 1-0 އިން ބަލިވުމަށް ފަހު، 39 އަހަރުގެ ލިއޮނެލް މެސީ މެޓްލައިފް ސްޓެޑިޔަމްގެ ދަންޑު މަތީގައި އިށީނދެ ރުއި މަންޒަރު ފެނިގެންދިޔައެވެ. ސްޕެއިނުން ޓްރޮފީ އުފުލި ވަގުތު މެސީ ބަލަން އިން މަންޒަރު މެސީގެ ސަޕޯޓަރުންނަށް ބަލަން އުނދަގޫ މަންޒަރަކަށް ވިއެވެ. 

ފައިނަލް ކުރީން މެސީ ވަނީ ވަދާއީ ރާގުގެ ދެ އިޝާރާތެއް ދީފައިއެވެ. ފުރަތަމައީ ބޫޓުގެ ދަށުގައި "ދަ ލާސްޓް ޓެންގޯ" ޖެހުމެވެ. ދެވަނައީ އިންސްޓަގްރާމްގައި ލިޔުނު ޕޯސްޓެވެ. "އެންމެ ރީތީ ޓައިޓަލްތަކެއް ނޫން، އެންމެ ރީތީ އޭގެ ޒާތުގައި އެ ކުރާ ދަތުރެއް، މި ޓީމާ އެކު ކޮންމެ ދުވަހެއް ހިއްސާކުރުން، ދަތި ދަނޑިވަޅުތަކުގައި ތެދުވުން، ކޮންމެ ފިޔަވަޅަކުން އުފާ ހޯދުން" ކަމަށް މެސީ ލިޔުނެވެ.

Advertisement

ނަމަވެސް މެސީ ރިޓަޔާ ކުރާ ކަމުގެ ރަސްމީ ބަޔާނެއް ނެރެފައިއެއް ނުވެއެވެ. އާޖެންޓީނާގެ ނޫސްވެރިޔާ ގެސްޓޯން އެދުލް (ޓީވައިސީ ސްޕޯޓްސް) ރިޕޯޓުކުރި ގޮތުގައި ފައިނަލް އަކީ މެސީ ގެ ފަހު ބައިނަލްއަގުވާމީ މެޗެއް ނޫނެވެ. 2026 ގެ ކޮޕާ އެމެރިކާ ކުޅޭނެ ކަމަށް ބެލެވެއެވެ. އިންޓާ މިއާމީ (އެމްއެލްއެސް) ކޮންޓްރެކްޓް 2028 ގެ ނިޔަލަށް އޮތުމުން ކްލަބް ފެންވަރުގައި ކެރިއާ ކުރިއަށް ދާނެއެވެ.

މެސީ ވޯލްޑް ކަޕް ތާރީހުން ހޯދި ރެކޯޑުތަކު ގިނައެވެ. ހަ ވޯލްޑް ކަޕް ކުޅެ، 34 މެޗު ފުރިހަމަކޮށް، ތިން ފައިނަލަށް އެރި ފުރަތަމަ ކުޅުންތެރިޔާ އަށް ވިއެވެ. މި ނިމުނު ވޯލްޑްކަޕުގައިވެސް އަށް ގޯލު ޖަހައި، ހަތަރު އެސިސްޓް ދީ، ޖުމުލަ ވޯލްޑް ކަޕް ކެރިއާގައި 21 ގޯލާއި 12 އެސިސްޓް ހެދިއެވެ. ވޯލްޑް ކަޕް ގޯލުގެ ޖުމުލަ ރެކޯޑް ކުރީން މެސީ އަތުގައި އޮތް ނަމަވެސް، ފްރާންސް ގެ ކީލިއަން އެމްބާޕެ ތާޑް ޕްލޭސް މެޗުގައި ދެ ގޯލު ޖަހައި 22 ގޯލާ އެކު ރެކޯޑް ކަށަވަރުކުރިއެވެ. 

2030 ގެ ވޯލްޑް ކަޕް (ސްޕެއިން، ޕޯޗުގަލް، މޮރޮކޯ) ގައި މެސީ ވާނީ 43 އަހަރެވެ. އެ އުމުރުގައި އެ ފެންވަރުގައި ކުޅުން ނާދިރު ކަމުން، މިއީ މެސީގެ ފަހު ވޯލްޑް ކަޕް ކަމަށް ގިނަ ބަޔަކު ދެކުމާ ޓީމާ ވަކިވާން އަދި ނުނިންމާ ކަމަށް ގިނަ ބަޔަކު ދެކުމާ، އެކު ކޯޗު ލިއޮނެލް ސްކެލޯނީ ބުނަނީ "އެންމެން ވެސް މެސީ އާ މެދު ފަޚުރުވެރިވާން ޖެހޭ ކަމަށާއި މެސީ އަކީ ދަނޑު މައްޗަށް ފައި ބީއްސި އެންމެ މޮޅު ކުޅުންތެރިޔާ" ކަމަށެއެވެ.