އެމްއެންޑީއެފް ސެންޓްރަލް އޭރިއާ ކޮމާންޑާއި ލ.މާމެންދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީ ގުޅިގެން އެ ރަށު ކަނބަލުންނަށް ހާއްސަ "މޫދު ކަސްރަތު" ޕްރޮގްރާމެއް ފަށައިފިއެވެ.

މި ޕްރޮގްރާމު ކުރިއަށްދާނީ މި މަހުގެ 18 ވަނަ ދުވަހުން ފެށިގެން އޮގަސްޓް މަހުގެ 4 ވަނަ ދުވަހުގެ ނިޔަލަށް ލ.މާމެންދޫގައެވެ. މި ޕްރޮގްރާމުގައި އެ ރަށުގެ 18 ކަނބަލުން ބައިވެރިވެފައިވެއެވެ.

Advertisement

ދުޅަހެޔޮ ސިއްހަތަކާއެކު އެކުވެރިކަމާ ގުޅިގެން މަސައްކަތްކުރާ އެއްބައިވަންތަ މުޖުތަމައުއެއް ބިނާކުރުމުގެ މަގުސަދުގައި ފެށި މި ޕްރޮގްރާމުގައި ކުލާސްތައް ނަގައިދެނީ އެމްއެންޑީއެފް ސެންޓްރަލް އޭރިއާ ކޮމާންޑްގެ މުދައްރިބުންނެވެ.

މި ޕްރޮގްރާމަކީ ރައްޔިތުންގެ ދުޅަހެޔޮކަން އިތުރުކުރުމަށް އަމާޒުކޮށްގެން ކުރިއަށް ގެންދާ ހަރަކާތެއް ކަމަށްވާތީ އަންނަ އޮގަސްޓް މަހުގެ ކުރީކޮޅާ ހަމައަށް ލ.މާމެންދޫގައި މި ކަސްރަތު ކުލާސްތައް ކުރިއަށްދާނެއެވެ.