ކަނޑުމަތީގައި މިރޭ ހިނގި ހާދިސާއެއްގައި ލޯންޗަކާއި ދޯންޏެއް ޖެހި ފަސް މީހަކަށް އަނިޔާވެއްޖެއެވެ.
މައުލޫމާތު ލިބިފައިވާގޮތުގައި މިރޭ 11:30 ހާއިރު ހިނގި މި އެކްސިޑެންޓް ހިނގާފައިވަނީ ގދ. ތިނަދޫ ކައިރިންނެވެ. އެކްސިޑެންޓް ވެފައިވަނީ އެ އަތޮޅު އަމާރީ ރިސޯޓްގައި ފެރީއެއްގެ ގޮތުގައި ބޭނުން ކުރަމުން އަންނަ ލޯންޗަކާއި ދޯންޏެއް ޖެހިގެންނެވެ. ނަމަވެސް އެ ދޯންޏަކީ ކޮން ރަށެއްގެ ދޯންޏެއްކަން ސާފުވެފައެއް ނުވެއެވެ.
މި ހާދިސާގައި ފަސް މީހަކަށް އެކިވަރުގެ އަނިޔާ ލިބިފައިވީނަމަވެސް އެއްވެސް މީހެއްގެ ހާލު ސީރިއަސް ނޫންކަމުގައި މައުލޫމާތު ލިބެއެވެ. މި ހާދިސާގައި ލޯންޗަށާއި ދޯންޏަށްވެސް ބޮޑެތި ގެއްލުންތަކެއް ލިބިފައިވާކަމުގެ މައުލޫމާތު ލިބިފައިވެއެވެ. މި ކަމުގައި ރަސްމީ އިދާރާއެއްގެ ބަހެއް އަދި ލިބިފައެއް ނުވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް