ޑީއެންއާރް އިން ރޯދަމަހު ހިދުމަތް ދޭނެ ގަޑިތައް އިއުލާން ކޮއްފި

ޑިޕާޓްމެންޓް އޮފް ނޭޝަނަލް ރަޖިސްޓްރޭޝަން އިން މިއަހަރުގެ ރަމަޟާން މަހު ހިދުމަތް ދިނުމަށް ނަންބަރު ދޫކުރުމާއި ފޯމުބަލައިގަތުމަށް ހަމަޖެހިފައިވާ ގަޑިތައް އިއުލާން ކޮއްފިއެވެ.

އެގޮތުން ފޯމް ބަލައިގަތުމަށް ނަންބަރު ދޫކުރުން ހަމަޖެހިފައިވަނީ 9:00 އިން 12:00 އަށެވެ. އަދި ކާޑު ހަވާލުކުރުމަށް ނަންބަރު ދޫކުރުން ހަމަޖެހިފައިވަނީ 9:30 އިން 12:15 އަށެވެ. މީގެއިތުރުން އަތޮޅުތެރޭން ހުށައަޅާފައިވާ ކަޑުތައް ދޫކުރުމާއި މައުލޫމާތު ސާފުކުރުމަށް ނަންބަރު ދޫކުރުން ހަމަޖެހިފައިވަނީ 9:05 އިން 11:30 އަށެވެ.

މި އިއުލާނުގައި ބުނެފައިވަނީ ފޯމް ބަލައިގަތުމަށް ދުވާލަކު ދޫކުރާނީ 100 ނަންބަރު ކަމަށާއި އަތޮޅުތަކުން ފޮނުވާ ކާޑުތައް ހަވާލުކުރުމަށް ދުވާލަކު ދޫކުރާނީ 35 ނަންބަރު ކަމަށެވެ.