އެއްވެސް ސަބަބަކާ ހުރެ ބުރުގާއަށް ޖަހާ ޕިން އަނގަޔަށް ނުލުމަށް އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން އިލްތިމާސްކޮށްފިއެވެ.
އައިޖީއެމްއެޗްއިން މިފަދައިން އިލްތިމާސްކޮށްފައި މިވަނީ އިއްޔެ އުމުރުން 19 އަންހެން ކުއްޖެއްގެ ބަނޑުން އޮޕަރޭޝަން ކޮށްގެން ޕިން އެއް ނަގާފައި ވަނިކޮށެވެ.
އައިޖީއެމްއެޗުން ބުނީ ރާއްޖޭގައި ބުރުގާއަށް ޖަހާ ޕިން އަނގަޅަށް ލުމުގެ ސަބަބުން އެތައް ހާދިސާތަކެއް ހިނގާދައިވާކަމަށެވެ. އެގޮތުން އެއްވެސް ސަބަބަކާ ހުރެ ބުރުގާއަށް ޖަހާ ޕިން އަނގަޔަށް ނުލުމަށް އެހޮސްޕިޓަލުގެ ޑޮކްޓަރުން ވަނީ އިލްތިމާސްކޮށްފައެވެ.
https://twitter.com/igmhmv/status/1199220652005347334
އައިޖީއެމްއެޗުން ބުނެފައިވަނީ، މިކަހަލަ ތޫނު އެއްޗެހި އަނގަޔަށް ލައިގެން ލިބޭ ގެއްލުމެއްގެ ސަބަބުން ބަނޑުގެ ބޮޑު އޮޕަރޭޝެއްވެސް ކުރަން ޖެހިދާނެކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް