އައިޖީއެމްއެޗް ގައި މަސައްކަތް ކުރުމަށް ރަނުގެ ފުރުސަތެއް

އިންދިރާ ގާންދީ މެމޯރިއަލް ހޮސްޕިޓަލް(އައިޖީއެމްއެޗް) ގައި ވޭޖް އެމްޕްލޯއިމަންޓް އުސޫލުން މަސައްކަތްކުރާނެ ވިހި ރެޖިސްޓާޑް ނަރުހުން ހޯދަން އިއުލާނުކޮށްފި އެވެ.

އެ ހޮސްޕިޓަލުން މިއަދު ކުރި އިއުލާނުގައި ބުނީ، ވޭޖް އެމްޕްލޯއިމަންޓް އުސޫލުން މަސައްކަތްކުރައްވާ ފަރާތްތަކުން މަސައްކަތް ކުރަން ޖެހޭނީ ދުވާލަކު 8 ގަޑިިއިރު، ހަފްތާއަކު 5 ދުވަހު ކަމަށެވެ. އަދި އެފަރާތްތަކުގެ މުސާރަ ކަނޑައެޅޭނީ މަސައްކަތްކުރާ ގަޑިއަށް ބެލުމަށްފަހު ކަމަށް ބުނެ އެވެ.

މޯލްޑިވްސް ނާސިން އެންޑް މިޑްވައިފްރީ ކައުންސިލް ގަބޫލުކުރާ ނާސިން ދާއިރާއިން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 5 ނުވަތަ 6 ގެ ސަނަދެއް ހާސިލު ކޮށްފައިވާ  ކޮންމެ ފަރާތަކަށް މި ފުރުސަތު އެބައޮތެވެ.

އެމަގާމަށް ކުރިމަތިލާން ބޭނުންވާ ފަރާތްތަކުން ހުށަހަޅަން ޖެހޭ ހުރިހާ ލިޔެ ކިޔުމެއް އަންނަ މަހުގެ ދެވަނަ ދުވަހުގެ 13:00 ގެ ކުރިން އައިޖީއެމްއެޗުގެ 11 ވަނަ ފަންގިފިލާގެ، ހިއުމަން ރިސޯސަސް ޑިޕާޓްމަންޓަށް ހުށަހަޅަން ޖެހޭނެ ކަމަށް އިއުލާނުގައި ބުނެފައިވެއެވެ.