އަންނަ އަހަރުގެ ކްލަބު މޯލްޑިވްސް ކަޕް މާޗް މަހު ބާއްްވަނީ

ސަރުކާރު އޮފީސް އަދި ކުންފުނިތަކަށް އަމާޒުކޮށްގެން ބާއްވާ ކްލަބް މޯލްޑިވްސް ކަޕް ފުޓްސަލް މުބާރާތުގެ އަންނަ އަހަރުގެ މުބާރާތް މާޗު މަހު ބާއްވާ ގޮތަށް ނިންމައިފި އެވެ.

މިމުބާރާތް ފަށާނެ ތާރީހެއް ގޮޮތުގައި އިންތިޒާމީ ކޮމިޓީން ނިންމާފައިވަނީ މާޗް މަހުގެ 4 ވަނަ ދުވަހެވެ.

އަންނަ އަހަރުގެ މުބާރާތުގައި  36 ޓީމުގެ ބަދަލުގައި 32 ޓީމަށް ޖާގަ ދޭގޮތަށް ހަމަޖެހިފައިވާއިރު، ބައިވެރިކުރާ ޓީމުގެ އަދަދު މަދުކުރަނީ މުބާރާތުގެ ފޯމެޓަށް ފަސޭހަ ބަދަލުތަކެއް ގެނައުމަށް ކަމަށް ކްލަބު މޯލްޑިވްސްއިން ބުނެއެވެ.

މިމުބާރާތުގެ އަންހެން ބައި 18/30 ފުޓްސަލް ފިއެސްޓާގައި 16 ޓީމު ބައިވެރިކުރުމުގެ ވިސްނުމެއް ކްލަބު މޯލްޑިވްސްއިން ގެންގުޅެއެވެ.

މިއަހަރު ބޭއްވި މުބާރާތުގެެ ފިރިހެން ބައިގެ ޗެމްޕިއަން އެސްޓީއޯ ހޯދިއިރު، އަންހެން ބައިގެ ޗެމްޕިއަންކަން ހޯދީ އިމިގްރޭޝަން އެވެ.