ރައީސް އޮފީހުގައި "ކޮމިއުނިކޭޝަންސް ޑިޕާޓްމެންޓް"ގެ ނަމުގައި ޑިޕާޓްމެންޓެއް އުފައްދަވައި އެ ޑިޕާޓްމަންޓްގެ އިސްވެރިއެއްގެ ގޮތުން ޗީފް ކޮމިޔުނިކޭޝަންސް އޮފިސަރުގެ މަޤާމަށް މާފަންނު ފިނިފަރު ޢަލީ ޚާލިދު، ރައީސުލްޖުމްހޫރިއްޔާ ޢައްޔަނު ކުރައްވައިފިއެވެ.
ރައީސް އޮފީހުން ވިދާޅުވާ ގޮތުގައި މި ޑިޕާޓްމެންޓް ރައީސުލްޖުމްހޫރިއްޔާ އުފެއްދެވީ ސަރުކާރުން ހިންގަވަމުން ގެންދަވާ މުހިންމު ކަންކަމާއި، މައުލޫމާތު ޙިއްޞާކުރުން ހަރުދަނާ ކުރެއްވުމަށްޓަކަ އެވެ.
ރައީސުލްޖުމްހޫރިއްޔާގެ އޮފީހުގައި ކޮމިޔުނިކޭޝަންސް ޑިޕާޓްމަންޓް އުފެއްދެވުމާ ގުޅިގެން، އެއޮފީހުގެ ޕްރެސް އެންޑް ކޮމިޔުނިކޭޝަންސް ސެކްޝަނުގެ މަސައްކަތްތަކާއި، ޕަބްލިކް އެފެއާޒް ސެކްޝަނުގެ މަސައްކަތްތައް ހިނގަމުންދާނީ މި ޑިޕާޓްމަންޓުގެ ދަށުން ކަމަށްވެސް ރައީސް އޮފީހުން ވިދާޅުވެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް