ދެމީހުންނާއެކު ގެއްލިގެން ހޯދަމުން ދިޔަ ޑިންގީއެއް ފެނިފައިވާކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނެފައިވަނީ ދެމީހުންނާއެކު އއ. ތޮއްޑުއަށް ދަތުރުކުރި "ތުނޑި" ނަމަކަށް ކިޔާ ޑިންގީއެއްގެ ހަބަރެއް ނުވެގެން އެމްއެންޑީއެފުން ހަރަކާތްތެރިވެފައިވާކަމަށާއި އެކަމުގެ ރިޕޯޓް ލިބިފައިވަނީ މިއަދު މެންދުރު 01:03ގައި ކަމަށެވެ.
އެމްއެންޑީއެފުން ބުނެފައިވަނީ މީހުންނާއެކު ސަލާމަތުން ޑިންގީ ވަނީ އުކުޅަހަށް ވަދެފައިކަމަށާއި އެކަން ރިޕޯޓްކުރީ ހަބަރެއް ނުވެގެން ލަސްވީމަ ކަމަށެވެ. އަދި މި ޑިންގީ އުކުޅަހަށް ވަދެފައިވަނީ މިއަދު މެންދުރުފަހު 02:55ގައި ކަމުގައިވެސް އެމްއެންޑީއެފުން ބުނެފައިވެއެވެ.
އެމްއެންޑީއެފުން އިތުރަށް ބުނެފައިވަނީ ދަތުރުގެ މިސްރާބު އޮޅިގެން ނަގިލި ލައިގެން ތިބިކަމުގެ މައުލޫމާތު ލިބިފައިވާކަމަށާއި އުކުޅަހަށް އެމީހުން ވަނީ އުކުޅަހުގެ އެންޓަނާ ފެނިގެން ކަމުގައިވެސް އެމްއެންޑީއެފުން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް