ރައީސް ޞާލިހު ވެރިކަމަށް ހޮވިވަޑައިގަތީ ރައްޔިތުންގެ މަޖިލީހުގައި އިއްތިހާދުގެ ވަކި ޕާޓީއެއްގެ މެޖޯރިޓީ އޮވެގެން ނޫން ކަމަށް ޖުމްހޫރީ ޕާޓީގެ ޑެޕިއުޓީ ލީޑަރު އަމީން އިބްރާހިމް ވިދާޅުވެއްޖެއެވެ.
އަމީން ކުރެއްވި ޓްވީޓެއްގައި ވިދާޅުވީ ރައީސްގެ އެންމެ ބޮޑު ވައުދަކީ ކޯލިޝަން ސަރުކާރެއްގެ ގޮތުގައި ވެރިކަން ކުރުން ކަމަށެވެ.
"ވީމާ ވައުދު ފުއްދާކާށް ކޯލިޝަންގެ ވަކި ޕާޓީއެއްގެ މެޖޯރިޓީ ބޭނުމެއް ނުވޭ. ބޭނުންވަނީ އިހުލާސްތެރިކަން،" އަމީންގެ ޓްވީޓުގައި ވިދާޅުވެފައިވެއެވެ.
އަމީން މިފަދައިން ޓްވީޓެއް ކުރައްވާފައިވާއިރު ރޭ ހއ. އިހަވަންދޫގައި ވާހަކަ ދައްކަވަމުން ކުރީގެ ރައީސް އަދި އެމްޑީޕީގެ ރައީސް ނަޝީދު ވަނީ ރައީސް ޞާލިހުގެ ރިޔާސީ ވައުދުތައް ފުއްދޭނީ މަޖިލީހުގެ އިންތިޚާބުގައި އެމްޑީޕީއަށް މަޖިލީހުގެ މެޖޯރިޓީ ލިބިގެން ކަމަށް ވިދާޅުވެފައެވެ.
މަޖިލީހުގެ އިންތިޚާބުގައި އެމްޑީޕީއަށް މެޖޯރިޓީ ދިނުމަށް މުޅި ރާއްޖެ ގޮވަމުންދާ ކަމަށްވެސް ނަޝީދު ރޭ ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް