އުމްރާއަށް ގެންގޮސްދޭނެ ކަމަށްބުނެ 109 މީހެއްގެ ފައިސާއަށް ޚިޔާނާތްތެރިވި މައްސަލަ ޕީޖީއަށް

އުމްރާއަށް ގެންގޮސްދޭނެ ކަމަށް ބުނެ 109 މީހެއްގެ އަތުން 2.6 މިލިއަނަށް ވުރެ ގިނަ ރުފިޔާ ނެގުމަށް ފަހު ހިޔާނާތްތެރިވި ކަމުގެ ތުހުމަތުގައި އަސްކޮއެ ޓްރެވަލްސްއާ ދެކޮޅަށް ދައުވާކޮށްދިނުމަށް ފުލުހުން ޕީޖީއަށް ފޮނުވައިފިއެވެ.

22 Nov 2026 | 16:34
އުމްރާއަށް ގެންގޮސްދޭނެ ކަމަށްބުނެ 109 މީހެއްގެ ފައިސާއަށް ޚިޔާނާތްތެރިވި މައްސަލަ ޕީޖީއަށް

އުމްރާއަށް ގެންގޮސްދޭނެ ކަމަށް ބުނެ ގިނަ ބައެއްގެ އަތުން ފައިސާ ނެގުމަށް ފަހު އެ ފައިސާއަށް ހިޔާނާތްތެރިވި ކަމުގެ ތުހުމަތުގައި އަސްކޮއެ ޓްރެވަލް ސަރވިސަސް ޕްރައިވެޓް ލިމިޓެޑާ ދެކޮޅަށް ދައުވާކޮށްދިނުމަށް އެދި ފުލުހުން ޕްރޮސިކިއުޓަރ ޖެނެރަލްގެ އޮފީހަށް ފޮނުވައިފިއެވެ.

ރަޖިސްޓްރީ ނަންބަރު C-0075/2019 ގެ ދަށުން ހިންގަމުން ދިޔަ އެ ކުންފުންޏާ ގުޅޭ މި މައްސަލަ ފުލުހުންގެ ހިދުމަތަށް ހުށަހެޅީ 2025 ޖުލައި 16 ވަނަ ދުވަހުއެވެ. ތަހުގީގު ނިންމައި ޕީޖީ އޮފީހަށް މައްސަލަ ހުށަހެޅީ 2025 ނޮވެމްބަރު 18 ވަނަ ދުވަހުއެވެ.

Advertisement

ފުލުހުންގެ ތަހުގީގުން ހާމަވެފައިވާ ގޮތުގައި އެ ކުންފުނީގެ ހަވާލުގައި އުމްރާ ދަތުރަށް ޖުމްލަ 109 މީހަކު ފައިސާ ދައްކާފައިވެއެވެ. އެ ފައިސާގެ ޖުމްލަ 2,660,300ރ (ދެ މިލިއަން ހަ ލައްކަ ފަސްދޮޅަސް ހާސް ތިން ސަތޭކަ ރުފިޔާ) އަށް އަރާ ކަމަށް ވެސް ތަހުގީގުން އެނގިފައިވެއެވެ.

މި މައްސަލައިގައި ދައުވާ ކުރުމާ މެދު ގޮތެއް ނިންމާނީ ޕީޖީ އޮފީހުންނެވެ.

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް