ރޭ މާލޭގައި ހިނގި ނުރައްކާތެރި އަލިފާނުގެ ހާދިސާގައި ނިޔާވި އާއިޝަތު ޝައުނާގެ ކަށު ނަމާދު މިއަދު މެންދުރުފަހު އިސްލާމީ މަރުކަޒުގައި ކުރިއަށް ދާނެއެވެ.
މި ހާދިސާގައި ނިޔާވެފައިވަނީ ތ. ބުރުނީއަށް އުފަން 49 އަހަރުގެ ޝައުނާ އެވެ. އޭނާ ދިރިއުޅެމުން ދިޔައީ ރޭގައި އެންމެ ފުރަތަމަ އަލިފާނުގެ ހާދިސާ ހިނގި ކެމިކަލް ގުދަނުގެ ކުރިމައްޗަށް ވާގޮތަށް ހުންނަ ރަނދުވާނިއާގޭގައެވެ. އެ ގޭގައި ދިރިއުޅޭ ހަ މީހަކު ތާށިވި އެވެ. އޭގެ ތެރެއިން ސަލާމަތްވީ ފަސް މީހެކެވެ.
ނިޔާވި، ޝައުނާގެ ދެ ދަރިން އެބަތިއްބެވެ. އޭނާއަކީ އިސްލާމިކް ޔުނިވާސިޓީއިން ޑިގްރީ ހާސިލްކޮށްފައިވާ މީހެކެވެ. ޝައުނާއަށް ޝުވަރުގޭގެ ދާއިމީ ނިއުމަތް މިންވަރުކުރައްވާ އާއިލާއަށް ކެތްތެރިކަން ދެއްވާނދޭވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް