އާލާ ހޯދަން ފުލުހުން މިއަދުވެސް އިއުލާނުކޮށްފި

ކްރިމިނަލް ކޯޓުގައި ހުށަހެޅިފައިވާ މައްސަލައަކާ ގުޅިގެން ކޯޓަށް ހާޒިރުނުކުރެވިގެން އުޅޭ ހިތަދޫ މީހަކު ހޯދުމަށް ފުލުހުން މިއަދު އަލުން އާންމުންގެ އެހީތެރިކަމަށް އެދިފިއެވެ.

ފުލުހުން ހޯދަމުން އެ ދަނީ ސ. ހިތަދޫ، ލޫޒަން، އާލާ އިބްރާހީމް ރަޝީދު، 35، އެވެ.

ކްރިމިނަލް ކޯޓުން ފުލުހުންނަށް ދީފައިވާ އަމުރުގައި، އާލާ ބަންދުގައި ބަހައްޓައިގެން 2026 އޮކްޓޫބަރު 22 ވަނަ ދުވަހުގެ މެންދުރު 13:00 ގައި ކޯޓަށް ހާޒިރުކުރަން އަންގާފައިވެއެވެ. އޭނާ ހާޒިރުކުރަން ބޭނުންވި ނަމަވެސް އަދި ހާޒިރުނުކުރެވޭތީ އެ އަމުރު ނެރުނީ ކަމަށް ފުލުހުން ބުނެއެވެ.

އާލާއާ ބެހޭ އެއްވެސް މައުލޫމާތެއް ލިބިއްޖެނަމަ، ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައިގެން ހިއްސާކުރުމަށް ފުލުހުން އެދިފައިވެއެވެ.

އާލާ ހޯދަން މި މަހުގެ 15 ވަނަ ދުވަހުވެސް ފުލުހުން އިޢުލާނެއް ކުރިއެވެ.