ސިންގަޕޫރާ ދެކޮޅަށް ކުޅުނު އެކުވެރިކަމުގެ މެޗުގައި ފޯވާޑް ވިނީޝިއަސް ޖޫނިއާ 21 މިނެޓުގެ ތެރޭގައި ހެޓްރިކެއް ފުރިހަމަކޮށް، ބްރެޒިލުން 7-0 ގެ ތަފާތު ބޮޑު ނަތީޖާއަކުން މޮޅުވެއްޖެއެވެ.
ޖަޕާން އަތުން 3-2 އިން ބަލިވި ބައްޔަށް ފަހު ކުޅުނު މި މެޗުގައި ވިނީޝިއަސް ގޯލް ޖެހީ ޕެނަލްޓީ އޭރިއާ ތެރެއިން މިޑްފީލްޑަރު ބްރޫނޯ ގީމަރައެސްގެ ޕާހަކުންނެވެ. އޭގެ ކުޑަ އިރުކޮޅެއް ތެރޭ ދެ ވަނަ ގޯލް ކާމިޔާބުކުރުމަށް ފަހު، އެސްޓެވާއޮގެ ޕާހަކުން ފަސޭހަ ނިންމުމެއް ޖަހައި ހެޓްރިކް ހެދިއެވެ. ރެއާލް މެޑްރިޑް ޓީމް މޭޓު އެންޑްރިކާއި އެސްޓެވާއޮ ވިލިއަން އަދި ރަޔާން ވެސް ލަނޑު ޖެހިއިރު، ސިންގަޕޫރުގެ ރައިޓް ބެކް ރައޫލް ސުހައިމީ ވައްދާލި އޯން ގޯލަކުން ސިންގަޕޫރުގެ ހާލަތު އިތުރަށް ގޯސްވިއެވެ.
ޖަޕާން މެޗުގައި ޖޮއާއޮ ގޮމެސްއަށް ކުރި ފައުލަކަށް ނުދީ ދޫކޮށްލި ނިންމުމާ ދެކޮޅަށް ޝަކުވާ ކުރުމުން ރަތް ކާޑު ދެއްކުމާ ގުޅިގެން، ބްރެޒިލްގެ މެނޭޖަރު ކާލޯ އެންޗެލޮޓީ އާއި ފޯވާޑް ރަފީނިއާ މި މެޗު ބެލީ ސްޓޭންޑުންނެވެ.
ރެއާލް މެޑްރިޑްގައި ސީޒަން ފެށި ގޮތާ ގުޅޭ ގޮތުން ހޯމަ ދުވަހު ވިނީޝިއަސް ބުނެފައި ވަނީ ތަމްރީނުތައް މަދުވުމާއި ޓްރާންސްފާ ޝައުގުވެރިކަމުގެ ސަބަބުން ސީޒަން ލަހުން ފެށުނީ ކަމަށް ބެލެވޭ ކަމަށެވެ.
އުމުރުން 26 އަހަރުގެ ވިނީޝިއަސް އޮގަސްޓް މަހު ރެއާލް މެޑްރިޑާ އެކު ދިގު މުއްދަތުގެ ކޮންޓްރެކްޓެއް އައު ކުރި ފަހުން 12 މެޗުގައި ޖެހިފައި ވަނީ އެންމެ ގޯލެކެވެ. ތިން އެސިސްޓު ހެދި ނަމަވެސް، ޖަޕާން މެޗުގައި ބްރެޒިލްގެ ދެ ގޯލު ޖެހީ ވެސް އޭނާ ކަމަށް ވާ އިރު، ސިންގަޕޫރު މެޗާ އެކު އޭނާގެ ފޯމު ރަނގަޅުވަމުން އަންނަ ކަން ހާމަވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް