މޯލްޑިވްސް އެއާޕޯޓްސް ކޮމްޕެނީ ލިމިޓެޑްގެ މެނޭޖިން ޑިރެކްޓަރު ކަމުން އާދިލް މޫސާ އިސްތިއުފާ ދެއްވަން ސިޓީ ހުށަހަޅުއްވައިފިއެވެ.
އެކަން ހާމަކޮށް ޕްރައިވަޓައިޒޭޝަން ބޯޑުގެ ރައީސް މުހައްމަދު ނިޒާރު ވިދާޅުވެފައިވަނީ އާދިލް މޫސާގެ އިސްތިއުފާ ޕްރައިވަޓައިޒޭޝަން ބޯޑުން ގަބޫލުކޮށްފައިވާކަމަށާއި އޭނާ އިސްތިއުފާ ދެއްވަނީ މާދަމާގެ ތާރީހުން ފެށިގެން ކަމަށެވެ.
ނިޒާރު ވިދާޅުވެފައިވަނީ އެމްޑީ އިސްތިއުފާ ދެއްވުމުން އެ ކުންފުނީގެ ކަންކަން ބަލަމުންދާނީ މޫސާ ސޯލިހް ކަމަށެވެ.
https://twitter.com/nixaar/status/1062571354971492352
މާދަމައިން ފެށިގެން އެއާ÷ޕޯޓްސް ކޮމްޕެނީގެ އެމްޑީ ކަމުން އިސްތިއުފާ ދެއްވަން އާދިލް ނިންމަވާފައިވާއިރު އިންތިހާބީ ރައީސް އިބްރާހިމް މުހައްމަދު ސޯލިހް އަންނަ ހޮނިހިރު ދުވަހު ރައީސް ކަމުގެ ހުވާ ކުރައްވާނެއެވެ.
އިއްޔެ ބޭއްވި ނޫސްވެރިންގެ ބައްދަލުވުމެއްގައި އިންތިހާބީ ރައީސްގެ ތަރުޖަމާނު މާރިޔާ އަހްމަދު ދީދީ ވިދާޅުވެފައިވަނީ ރަނގަޅު ގޮތަކީ ސިޔާސީ މަގާމުތަކުގައި ތިއްބެވި ބޭފުޅުން އިސްތިއުފާ ދެއްވުން ކަމަށެވެ. ނޫން ނަމަ ވަކި ކުރި ކަމުގެ ސިޓީ ފޮނުވާނެ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް