މަސްވެރިންގެ ދުވަހުގެ އިހުތިފާލްތަކުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމްގެ ދެ ކަނބަލުން ޅ.އަތޮޅަށް ފުރާ ވަޑައިގެންފި އެވެ.
ރައީސް އޮފީހުން ވިދާޅުވީ ފާދިއްޕޮޅަށް ކުރައްވަމުން ގެންދަވާ ދަތުރުފުޅުގައި، ރައީސް ޔާމީން މިއަދު ހެނދުނު އެއަތޮޅު ފެލިވަރަށް ވަޑައިގެންފައިވާކަމަށާއި ރައީސުލްޖުމްހޫރިއްޔާގެ އަރިހުގައި، އެމަނިކުފާނުގެ އަނބިކަނބަލުން އަލްފާޟިލާ ފާޠިމަތު އިބްރާހީމް ބައިވެރިވެވަޑައިގެންނެވި ކަމަށެވެ.
ރައީސުލްޖުމްހޫރިއްޔާ ފެލިވަރަށް ކުރައްވާ މިދަތުރުފުޅުގައި، ފެލިވަރު މަސްވެރިންގެ މެރީނާ ހުޅުއްވައިދެއްވުމަށް ހަމަޖެހިފައިވާ ކަމަށްވެސް ރައީސް އޮފީހުން ވިދާޅުވެއެވެ.
ރައީސް އޮފީހުން އިތުރަށް ވިދާޅުވީ ފެލިވަރަށް ކުރައްވާ މިދަތުރުފުޅަށްފަހު، ރައީސުލްޖުމްހޫރިއްޔާ ދެން ވަޑައިގަންނަވާނީ މަސްވެރިންގެ ދުވަހުގެ މުނާސަބަތުގައި އެއަތޮޅު ނައިފަރުގައި މިއަދާއި މިރޭ ބާއްވަވާ އިޙުތިފާލުތަކުގައި ބައިވެރިވެވަޑައިގަތުމަށް ކަމަށެވެ. އަދި މަސްވެރިންގެ ދުވަހުގެ މުނާސަބަތުގައި ބާއްވަވާ ޚާއްޞަ ޙަފްލާ އޮންނާނީ މިރޭ 8:30ގައި މަދްރަސަތުލް އިފްތިތާޙުގައި ކަމަށާއި މި ޙަފްލާގައި ރައީސުލްޖުމްހޫރިއްޔާ ވާހަކަފުޅު ދައްކަވާ ގޮތަށް ހަމަޖެހިފައިވާކަމަށްވެސް ރައީސް އޮފީހުން ވިދާޅުވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް