ގައްޒާގައި ކުރިޔަށް ގެންދިޔަ ކައިވެނީގެ ހަފްލާގެ ތެރެއިން --
އިސްތިއުމާރީ އިޒްރޭލުގެ ހަމަލާތަކުގައި ސުންނާފަތިވެފައިވާ ފަލަސްތީނުގެ ގައްޒާއަށް މިމަހުގެ ހަ ވަނަ ދުވަސް ވެގެންދިޔައީ އުފާވެރި ދުވަހަކަށެވެ.
އެ ދުވަހު ވަނީ ގައްޒާގެ 250 ޖޯޑެއްގެ ކައިވެނި އެއް ރަސްމިއްޔާތެއްގައި ކޮށްފައި އެވެ. މި ހަރަކާތް އިންތިޒާމް ކުރީ ޔޫއޭއީގެ އިންސާނީ އެހީގެ މިޝަނެއް ކަމުގައިވާ އޮޕަރޭޝަން ގެލަންޓް ނައިޓް 3 އިންނެވެ.
ބިމާ ހަމަވެފައިވާ ޢިމާރާތްތަކާއި ގެދޮރު ގެއްލިފައިވާ ޢާއިލާތައް ދިރިއުޅޭ ފޭލިގެތަކުގެ ތެރޭގައި ބޭއްވި މި ޙަފުލާގައި ޣައްޒާގެ އެކި ކަންކޮޅުތަކުން ކައިވެނީގެ ޖޯޑުތައް ބައިވެރިވެފައިވެއެވެ. މި ރަސްމިއްޔާތު އިންތިޒާމުކުރި ފަރާތުން ސިފަކޮށްފައިވަނީ ހިސާރުގައި އޮތް ގައްޒާގައި ލޯތްބާއި އައު ފެށުންތައް ފާހަގަކުރުމުގެ މުނާސަބާއެއްގެ ގޮތުގައެވެ.
މިދިޔަ އަހަރުގެ އޮކްޓޫބަރުގައި ގައްޒާގައި ހަމަލާ ބަދަލުކުރުން ހުއްޓައިލުމުގެ އެއްބަސްވުމެއް ޢަމަލުކުރަން ފެށި ނަމަވެސް، އިޒްރޭލުގެ ވައިގެ ހަމަލާތައް ގާތްގަނޑަކަށް ކޮންމެ ދުވަހަކު ކުރިއަށް ގެންދެ އެވެ.
2023 ވަނަ އަހަރުގެ އޮކްޓޫބަރު ހަތެއްގައި ޙަމާސް ޖަމާޢަތުން އިޒްރޭލަށް ދިން ހަމަލާގައި ގާތްގަނޑަކަށް 1,200 މީހުން މަރުވެ 251 މީހަކު ރަހީނުކުރެވުނެވެ. ރައްދުގައި އިޒްރޭލުން ޣައްޒާގައި ފެށި އަސްކަރީ ކެމްޕެއިނުގައި މިހާތަނަށް 74,640 އަށް ވުރެ ގިނަ ފަލަސްޠީނު ރައްޔިތުން ޝަހީދުވެފައިވާ ކަމަށް ޣައްޒާގެ ޞިއްޙީ ވުޒާރާއިން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް