ރައްޔިތުންގެ މަޖިލީހުގެ ސެކިއުރިޓީ ބެލެހެއްޓުމަށް އެކުލަވައިލި ފޯސް އެއްކޮށް ގެއަށް ފޮނުވާލުމަށްފަހު މަޖިލީހުގެ ސެކިއުރިޓީ ބެލެހެއްޓުމުގެ މަސައްކަތް އެމްއެންޑީއެފުން ފަށައިފި އެވެ.
މިކަމުގައި އެމްއެންޑީއެފްގެ ބަހެއް ނުލިބުނު ނަމަވެސް ދުވަހަށް ކަށަވަރުވެފައި ވާގޮތުގައި 17 މީހުންގެ މައްޗަށް އެކުލެވޭ ސެކިއުރިޓީ ފޯސް ގެއަށް ފޮނުވާފައިވަނީ މަޖިލީހުގައި ނައިބު ރައީސް އަހުމަދު އަދީބުގެ ވޯޓު ނެގި ދުވަހުގެ ހެނދުނުގެ ވަގުތެއްގަ އެވެ.
ދުވަހަށް މައުލޫމާތު ލިބިފައިވާގޮތުގައި ރައްޔިތުންގެ މަޖިލީހުގެ ސެކިއުރިޓީ ބެލެހެއްޓުން އެމްއެންޑީއެފުން ހަވާލުވެފައިވާއިރު އެމްއެންޑީއެފުން ވަނީ މަޖިލީހުގައި ސެކިއުރިޓީ ވަރުގަދަކޮށް އިތުރު ސްކޭނިން ސިސްޓަމެއްވެސް މަޖިލީހުގައި ހަރުކޮށްފަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް