ވައި ގަދަވާނެ ކަމަށް ލަފާކޮށް ނ އަތޮޅާއި ތ އަތޮޅާއި ދެމެދުގެ ރަށްތަކަށް ޔެލޯ އެލާޓް

މިހާރު ރާއްޖެއަށް ކުރަމުން އަންނަ ވިއްސާރައިގާ ފުރަތަމަ ފަހަރަށް ޔެލޯ އެލާޓް ނެރެފި އެވެ. ޔެލޯ އެލާޓް ނެރެފައިވަނީ ވައިގަދަ ވާނެ ކަމަށް ލަފާކޮށެވެ.

މެޓް އޮފީހުން މިރޭ 2:30ގައި ނެރެފައިވާ ޔެލޯ އެލާޓްގައި ބުނެފައިވަނީ މިރޭގެ 2:30 އިން ހެނދުނު 06:30 އާއި ހަމައަށް ނ އަތޮޅާއި ތ އަތޮޅާއި ދެމެދުގެ ރަށްތަކަށް ގަޑިއަކު 30 މޭލާއި 40 މޭލާއި ދެމެދުގެ ބާރުމިނެއްގައި ވައި ގަދަވާނެ ކަމަށެވެ.

މި ވަގުތުތަކުގައި މި ސަރަހައްދުތަކަށް ވިލާގަނޑުގައި ގަޑިއަކު 50 މޭލަށް ވައިގަދަވުން އެކަށީގެންވާކަމަށްވެސް މެޓް އޮފީހުގެ އެލާޓްގައި ބުނެފައި ވެ އެވެ.