ގައުމަށް ގައްދާރުވި ކަމުގެ ތުހުމަތުގައި ހައްޔަރުކޮށް ޖަލަށް ލާފައިވާ ކުރީގެ ނައިބު ރައީސް އަހުމަދު އަދީބުގެ މައްޗަށް، ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ ދައުލަތުން އުފުލައިފި އެވެ.
ޕްރޮސެކިއުޓާ ޖެނެރަލްގެ އޮފީހުން ބުނީ އަދީބުގެ މައްޗަށް ދައުވާ އުފުލީ ކޮރަޕްޝަނަށް މަގުފަހި ވާގޮތަށް ރިސޯޓެއް ތަރައްގީ ކުރުމަށް މާލެ އަތޮޅުގެ ފަޅު ރަށެއް ބޭރުގެ ބަޔަކަށް ދޫކުރުމަށްފަހު ލިބުނު ފައިސާ ނަހަމަގޮތުގައި ބޭނުންކުރި ކަމަށް ތުހުމަތު ކުރެވޭ މައްސަލައަކާއި ގުޅިގެން ކަމަށެވެ.
ހަމަ މި މައްސަލައާއި ގުޅިގެން އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތުގެ މައްޗަށްވެސް ވަނީ ދައުވާ އުފުލާފަ އެވެ. އަދީބުއާއި ޒިޔަތުގެ މައްޗަށްވެސް މި ދައުވާ އުފުލާފައި ވަނީ އެއް މައްސަލައެއްގެ ގޮތުގަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް