ވޯޓުލުން ފެށިގެން ކުރިއަށް - ފޮޓޯ: އިލެކްޝަންސް
ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަންގެ ވޯޓުލުން މިއަދު ހެނދުނު ފެށިގެން ކުރިއަށް އެބަދެއެވެ. ހެނދުނު 11:00 އާ ހަމައަށް ވޯޓުލުމުގެ ހައްގު ލިބިފައިވާ މީހުންގެ ތެރެއިން 19.29 އިންސައްތަ މީހުން ވޯޓު ލައިފައިވާ ކަމަށް އިލެކްޝަންސް ކޮމިޝަނުގެ ތަފާސް ހިސާބުތައް ދައްކައެވެ.
މި ދާއިރާގައި ވޯޓުލުމުގެ ހައްގު ލިބިފައި ވަނީ ޖުމްލަ 4،121 މީހަކަށެވެ. އޭގެ ތެރެއިން 11:00 ގެ ނިޔަލަށް ވޯޓު ލާފައި ވަނީ 795 މީހެކެވެ. ވޯޓު ލީ ފިރިހެނުންގެ އަދަދަކީ 409 އެވެ. އަންހެނުންގެ އަދަދަކީ 386 އެވެ.
މި ބައި-އިލެކްޝަނަކީ މި ގޮނޑި ހުސްވުމާ ގުޅިގެން ބާއްވާ އިންތިޚާބެކެވެ. މި ގޮނޑިއަށް ވާދަކުރައްވަނީ ސަރުކާރު ހިންގާ ޕީއެންސީގެ ކެންޑިޑޭޓް އަޙްމަދު ސަޢީދާއި އިދިކޮޅު އެމްޑީޕީގެ ކެންޑިޑޭޓް ޢަބްދުﷲ ޞާދިޤެވެ. ވޯޓުލުން ކުރިއަށް ދަނީ ހަތް ވޯޓު ފޮށީގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް