މެންޗަސްޓރ ޔުނައިޓެޑް އަދި މެންޗަސްޓަރ ސިޓީ ބައްދަލުކުރި މެޗުގައި އަނިޔާވި މެންޗަސްޓަރ ޔުނައިޓެޑްގެ ޑިފެންޑަރ މާކޮސް ރޯހޯ 3 މަސްދުވަހަށް ކުޅުމާއި ދުރަށްދާން ޖެހިއްޖެއެވެ.
ސްޕޯރޓިން ލިސްބަންއިން 16 މިލިއަން ޕައުންޑަށް ޔުނައިޓެޑާއި މިސީޒަނަށް ގުޅުނު ރޯހޯގެ ކޮނޑުހުޅު ނައްޓާލާފައިވާކަމަށް މެޑިކަލް ރިޕޯރޓްތަށް ބުނެއެވެ. އަދި އޭނާ މުޅިން " ރިކަވަރ" ވުމަށްޓަކައި އޮޕަރޭޝަނެއްކުރަން ޖެހޭނެކަމަށްވެސް ލަފާކުރެވެއެވެ.
މިސީޒަންގައި އަލަށް ޓީމާ ހަވާލުވި ލުއިސް ވެންހާލްއަށް އެދެވޭ ނަތީޖާއެއް މިހާތަނަށް ނެރިވިފައިނުވާއިރު ޓީމަށް ދިމާވެފައިވާ އެންމެ ބޮޑު މައްސަލައަކީ ޑިފެންޑަރުންގެ މައްސަލައެވެ. އެގޮތުން މިހާރުވެސް ރޯހޯގެ އިތުރުން ޑިފެންޑަރ ފިލް ޖޯންސް ، ރަފޭލް އަދި ޖޯނީ އީވަންސްހުރީ އަނިޔާގައެވެ. އަދި ސިޓީ މެޗުގައި ދެއްކި ރަތްކާޑާއެކު ސްމޯލިންއަށްވެސް ކުރިއަށްއޮތް މެޗު ނުކުޅެވޭނެއެވެ.
މެންޗަސްޓަރ ޔުނައިޓެޑް މިމަހުގެ 8 ވަނަދުވަހު ދެން ނިކުންނާނީ އަމިއްލަ ދަނޑުގައި ކުރިސްޓަލް ޕެލެސްއާއި ދެކޮޅަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް