ހުއްދައާ ނުލައި ބޭންކިންގެ ހިދުމަތް ދިނުމާއި ބޭރު ފައިސާ ގަނެވިއްކުމުގެ މައްސަލައަކާ ގުޅިގެން ފުލުހުންގެ ޓާސްކް ފޯސް ބައިވެރިކޮށްގެން މިއަދު ބަލައި ފާސްކުރުމުގެ ހާއްސަ އޮޕަރޭޝަނެއް ހިންގައިފިއެވެ.

މި އޮޕަރޭޝަން ކުރިއަށް ގެންގޮސްފައިވަނީ ދިވެހި ފުލުހުންގެ ހިދުމަތުގެ އިކޮނޮމިކް ކްރައިމް އިންވެސްޓިގޭޝަންގެ ކޮމްޕްލެކްސް ފައިނޭންޝަލް އިންވެސްޓިގޭޝަނުން ބަލަމުންދާ މައްސަލައަކާ ގުޅިގެންނެވެ.

Advertisement

މި އޮޕަރޭޝަންގެ ތެރެއިން ހަތަރު ބިދޭސީންނާއި އެއް ދިވެއްސެއް ބަލައި ފާސްކޮށްފައިވެއެވެ. އެއާ އެކު ފިހާރައެއްގެ އިތުރުން ބިދޭސީއަކު ދިރިއުޅެމުންދިޔަ ތަނެއް ވެސް ވަނީ ބަލައި ފާސްކޮށްފައެވެ.