ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ)އާއި މޯލްޑިވްސް ރެޑް ކްރެސެންޓް (އެމްއާރްސީ) ގުޅިގެން ބޭއްވި ބޭސިކް ސައިކޮލޮޖިކަލް ފަސްޓް އެއިޑް ތަމްރީނު ޕްރޮގްރާމް ފުރިހަމަކުރި 100 ދަރިވަރު ލީޑަރުންނަށް ސެޓްފިކެޓް ދީފިއެވެ.

ދެ ދުވަހުގެ މުއްދަތަށް ހަތަރު ބެޗަކަށް ބަހާލައިގެން ކުރިއަށްގެންދިޔަ މި ތަމްރީނުގައި، ދަތި ހާލަތްތަކުގައި ވަގުތުން ނަފްސާނީ އެހީތެރިކަން ފޯރުކޮށްދިނުމުގެ ހުނަރު ދަރިވަރުންނަށް ދަސްކޮށްދީފައިވެއެވެ. އަދި ފަންނީ އެހީތެރިކަން ބޭނުންވާ ފަދަ ހާލަތްތައް ދެނެގަތުމުގެ ޤާބިލުކަންވެސް ދަރިވަރުންނަށް ދަސްކޮށްދީފައިވާ ކަމަށް އެމްއެންޔޫއިން ބުނެއެވެ.

Advertisement

ސެޓްފިކެޓް ދިނުމުގެ ރަސްމިއްޔާތުގައި އެމްއެންޔޫގެ ވައިސް ޗާންސެލަރ ވިދާޅުވީ، ދަތި ދަނޑިވަޅުތަކުގައި އެއްބައިވަންތަކަމާއި ހަމްދަރުދީއާއެކު ޢަމަލުކުރެވޭނެ ޔުނިވަރސިޓީ ކޮމިއުނިޓީއެއް ބިނާކުރުމުގެ މުހިންމުކަން ފާހަގަކުރެއްވިއެވެ. ދަރިވަރު ލީޑަރުންނަށް މި ހުނަރު ދަސްކޮށްދިނުމުގެ ސަބަބުން ރައްކާތެރި އެހީތެރި ކެމްޕަހެއް ބިނާކުރުމުގެ ޤާބިލުކަން ޔުނިވަރސިޓީން ވަރުގަދަކުރަމުންދާ ކަމަށް އެ ރަސްމިއްޔާތުގައި ބަޔާންކުރައްވާފައިވެއެވެ.