ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ)އިން 9 އަހަރާއި 18 އަހަރާ ދެމެދުގެ ދަރިވަރުންނަށް އަމާޒުކޮށް "އެމްއެންޔޫ މަހާސަމާ" ލާނިންގ ފެސްޓިވަލް ފަށައިފިއެވެ.

"އުނގެނުމާއި އައު ހޯދުންތަކާއި އުފާވެރިކަމުގެ ތެރެއިން ޒުވާން ޖީލަށް އާރޯކަން" ޝިޢާރުގެ ދަށުން ހިންގާ މި ފެސްޓިވަލް ކުރިއަށް ދަނީ ޖުލައި 19 އިން 23 އަށެވެ. މިއީ އެމްއެންޔޫގެ "ފުރާތަ" ޕްރޮގްރާމުގެ ދަށުން ހިންގާ ހަރަކާތެއް ކަމަށާއި، ފެސްޓިވަލުގައި ރޮބޮޓިކްސް، ސައިންސް، ހިސާބު ޢިލްމު، ނަފްސާނީ ދުޅަހެޔޮކަން، ކިޔެވުމުގެ ހުނަރު، އިސްލާމީ އަޚުލާޤު، ވާހަކަ ކިޔައިދިނުން އަދި ސްޓޯރީޓެލިންގ ގެ ސެޝަންތައް ހިމެނޭ ކަމަށް އެމްއެންޔޫއިން ބުނެއެވެ.

Advertisement

މި ހަރަކާތުގެ މައިގަނޑު މަޤުޞަދަކީ ދަރިވަރުންގެ ހިތުގައި ޢިލްމު އުނގެނުމަށް ޝައުޤު އުފައްދައި، މައްސަލަ ހައްލުކުރުމާއި ފާޑުކިޔުމާއެކު ވިސްނުމުގެ ހުނަރު ދަސްކޮށްދިނުމެވެ. އެމްއެންޔޫއިން ބުނީ، މި ފެސްޓިވަލަކީ ޢާންމު ކްލާސްރޫމް ކިޔަވައިދިނުމާ ތަފާތުކޮށް ޢަމަލީ ގޮތުން ކަންކަން ތަޖުރިބާކޮށް ހޯދައިބެލުމުގެ ވިސްނުމުގެ މައްޗަށް ބިނާކޮށް ރޭވިފައިވާ ހަރަކާތެއް ކަމަށެވެ.