ސްކޭމެއްގެ މައްސަލައިގައި 41 އަހަރުގެ ދިވެހި އަންހެނަކު ހައްޔަރުކޮށް، 15 ދުވަހަށް ބަންދުކުރުމަށް ކްރިމިނަލް ކޯޓުން އަމުރުކޮށްފައިވާކަން ބަންދު އަމުރުން އެނގިއްޖެއެވެ.

ބަންދު އަމުރުން އެނގޭ ގޮތުގައި، ހައްޔަރުކޮށްފައިވަނީ ހ. ގޯލްޑިވެލްޖ 2، ކ. މާލެ، އާމިނަތު އަޙްމަދު (41އ) އެވެ. މި މައްސަލައިގައި އޭނާ ހައްޔަރުކޮށް ކޯޓަށް ހާޒިރުކުރީ މިއަދު ކަމަށާއި، ކޯޓުން އޭނާ 15 ދުވަހަށް ކަސްޓޯޑިއަލް ޖަލުގައި ބަންދުކުރުމަށް އަމުރުކޮށްފައިވެއެވެ.

Advertisement

ކޯޓުން ބުނެފައިވާ ގޮތުގައި، މި މައްސަލައިގައި ތުހުމަތުކުރެވޭ ފަރާތުގެ ހެކި ހުރިކަމަށް ޤަބޫލުކުރެވެއެވެ. އަދި ދޫކޮށްލައިފި ނަމަ މުޖުތަމައުގެ ސަލާމަތަށް ނުރައްކަލެއް ކުރިމަތިވެދާނެ ކަމަށް ބެލެވޭތީ ބަންދުގައި ބެހެއްޓުމަށް ނިންމީ ކަމަށް އަމުރުގައިވެއެވެ.

ކޯޓުގައި އެ އަންހެން މީހާ ބުނެފައިވަނީ، މި ކަމާ ގުޅޭ މައުލޫމާތު އޭނާ އަށް ލިބިފައި ނުވާ ކަމަށާއި، އޭނާގެ ކޭޝް ކާޑު ރައްޓެހިވެގެން އުޅޭ މީހާ އަށް ދީފައިވާ ކަމަށެވެ. ނަމަވެސް ކޯޓުގެ ރެކޯޑުތަކުން ދައްކާ ގޮތުގައި އެ އަންހެން މީހާ އަކީ މީގެ ކުރިން ވެސް ހައްޔަރުކުރެވިފައިވާ މީހެކެވެ.

މި މައްސަލައިގައި ބަންދުގެ މުއްދަތު ހަމަވާނީ އޮގަސްޓު ހަތެއްގައެވެ.