އައްޑޫ ސިޓީ މަރަދޫ ގެއެއްގައި ރޯވި އަލިފާން، އެމްއެންޑީއެފް މަރަދޫ ފަޔަރ ސްޓޭޝަނުން ނިއްވާލައިފިއެވެ.

މި ހާދިސާ ހިނގާފައިވަނީ މަރަދޫ "ޗަމަން" ގޭގައެވެ. ރޭ 20:06 ހާއިރު އެމްއެންޑީއެފް ސަދަން އޭރިއާ ކޮމާންޑަށް މި ހާދިސާގެ މަޢުލޫމާތު ލިބުމާ އެކު، މަރަދޫ ފަޔަރ ސްޓޭޝަނުގެ ފަޔަރފައިޓަރުން ވަނީ ވަގުތުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފަށައިފައެވެ. ގާތްގަނޑަކަށް ތިން ގަޑިއިރުގެ މަސައްކަތުން އަލިފާންގަނޑު ނިއްވާލެވުނީ ރޭ 22:55 ހާއިރެވެ.

Advertisement

މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.