ކަނޑަށް ވެއްޓުނު ކޮންޓެއިނަރުތަކުގެ ތެރެއިން މިހާތަނަށް ފެނުނީ ދެ ކޮންޓެއިނަރު ކަމަށް ފުލުހުން ބުނެފި އެވެ.

މާލޭ ވިޔަފާރި ބަނދަރުގެ ބޭރު ޖެޓީގައި އަޅާފައި އޮތް މޯލްޑިވްސް ޕޯޓްސް ލިމިޓެޑްގެ ބާޖަކުން ކޮންޓެއިނަރުތަކެއް ކަނޑަށް ވެއްޓިގެން ރިޕޯޓު ކުރީ ރޭ 11:30 ހާއިރު އެވެ.

Advertisement

ފުލުހުން ބުނީ ޖުމްލަ ފަސް ކޮންޓެއިރު ވެއްޓުނު ކަމަށެވެ. އަނެއް ތިން ކޮންޓެއިނަރު ހޯދުމުގެ މަސައްކަތް އަދިވެސް ކުރަމުންދާ ކަމަށެވެ.

އެއީ ހުސް ކޮންޓެއިނަރުތަކެއް ކަމަށް އެމްޕީއެލްއިން ބުނެ އެވެ.

ފުލުހުން ރޭ ބުނީ ކޮންޓެއިނަރުތައް އޮޔާދާނެ ކަމަށް ބެލެވެނީ ދޫނިދުއާއި ފޭދޫފިނޮޅާ ދެމެދު އޮތް ކަނޑުގެ ސަރަހައްދުންނެވެ. އަދި ދަތުރުކުރާ އުޅަނދުތަކުން، މިކަމަށް ސަމާލުވުމަށް އިލްތިމާސް ކޮށްފައިވެ އެވެ.

ރޭ މިހާދިސާ ހިނގާފައިވަނީ މާލެ ސަރަހައްދަށް ވަރަށް މޫސުން ގޯސްގަޑިއެއްގައި އެވެ.