ކެމްބޯޑިއާގެ ސީހާނޫކްވިލްގައި އަށް ބުރީގެ އިމާރާތަކުން ވެއްޓި ގެއެއްގެ ފުރާޅު މައްޗަށް ޖެހުނު އަންހެނަކު ސީރިއަސް އަނިޔާއެއް ނުލިބި ސަލާމަތްވެއްޖެއެވެ.

މިކަން ހިނގާފައި ވަނީ މިދިޔަ ސެޕްޓެމްބަރު 26 ވަނަ ދުވަހުގެ 4ރޭ ދަންވަރުގެ ވަގުތެއްގައި އެވެ. އެ އަންހެން މީހާއި ސަލާމަތް ވުމައި އުޅުނު ގޮތް ސޯޝަލް މިޑިއާގައި ބޮޑު ސަމާލުކަމެއް ދަނީ ހޯދަމުންނެވެ.

Advertisement

ރިޕޯޓުތައް ބުނާގޮތުގައި މި ހާދިސާގައި ބާރު އަޑުފައްގަނޑެއް އިވިގެން އެ ސަރަޙައްދުގައި ދިރިއުޅޭ މީހުން ބޭރަށް ނުކުތީ ނުރައްކާތެރި މަންޒަރެއް ފެންނާނެ ކަމަށް ބެލެވިގެންނެވެ. އެމީހުން ހީކުރީ އިވުނު އަޑުފައްގަނު ގަދަވެފައި ވެއްޓުނީ އިންސާނަކަށް ވާނަމަ އޮންނާނީ މަރުވެފައި ކަމަށެވެ.

ނަމަވެސް ވެއްޓިފައި އޮންނަތާ ގާތްގަނޑަކަށް 30 މިނެޓު ފަހުން އެ އަންހެން މީހާ ހޭ އެރި ކަމަށްވެ އެވެ. އަދި ހޭއެރުމާއި އެކު ތެދުވެ އިށީނދެ ގާތްގަނޑަކަށް 20 މިނެޓު ވަންދެން ފޯނާއި ކުޅެން އެ ފުރާޅުމަތީގައި އިން ކަމަށްވެ އެވ

އެއަށްވުރެ ބޮޑަށް ހައިރާންކުރުވީ އެ އަންހެން މީހާ އަމިއްލައަށް ފުރާޅުން ފައިބައިގެން އެ ސަރަޙައްދު ދޫކޮށް ދިޔަ ދިއުމެވެ. އެ ހާދިސާއަށް ފަހު އޭނާގެ ޞިއްޙީ ޙާލަތާ ބެހޭ ތަފްޞީލެއް ވަގުތުން ލިބިފައެއް ނުވާކަމަށް ރިޕޯޓުތައް ބުނެ އެވެ.

އެ އުސްމިނުން ވެއްޓިފައި ސަލާމަތްވުމަކީ ވަރަށް ނާދިރު ކަމެއް ކަމަށް ވީ ނަމަވެސް ޓިނު ފުރާޅުގެ ސަބަބުން ވެއްޓުމުގެ ބާރު ކޮންމެވެސް މިންވަރަކަށް ކެނޑިގެން ދިޔައީ ކަމަށް މީހުން ބުނެފައިވެ އެވެ. މި ހާދިސާ ވައިރަލްވީ އެ ފަދަ ނުރައްކާތެރި ހާދިސާއެއް ހިނގި ވަގުތު ވެސް އެ އަންހެން މީހާ ދެއްކި ހަމަޖެހޭ ޢަމަލުތަކުގެ ސަބަބުންނެވެ.

މިފަދަ ހާދިސާއެއް މިދިޔަ އަހަރު ރާއްޖޭގައިވެސް ހިނގާފައިވެ އެވެ. އެ ހާދިސާގައި އަންހެން މީހާއަށް ބޮޑެތި އަނިޔާތަކެއް ލިބިފައިވާ ކަމަށްވެ އެވެ.