ޔުއެފާ ނޭޝަންސް ލީގުގައި ޑެންމާކާ ދެކޮޅަށް ކުޅެން އޮތް މެޗުގެ ކުރިން ޕޯޗުގަލްގެ ޤައުމީ ޓީމު ކޭމްޕް ދޫކޮށް ކްރިސްޓިއާނޯ ރޮނާލްޑޯ ދިޔުމާ ގުޅިގެން ބޮޑު މައްސަލަ ގަނޑެއް އުފެދިއްޖެ އެވެ.

މި ހަފުތާގައި ނޯވޭއާ ދެކޮޅަށް ކުޅުނު މެޗުގައި ކޯޗު ޖީސަސް ވަނީ ރޮނާލްޑޯ ބެންޗުގައި ބައިންދައިފައެވެ. ދެވަނަ ހާފުގައި ވޯމްއަޕް ކުރި ނަމަވެސް ރޮނާލްޑޯ ކުޅެން ނެރެފައެއް ނުވެއެވެ.

ޑެންމާކު މެޗުގައި ވެސް ރޮނާލްޑޯ ފެށޭ އެގާރައިގައި ނުހިމެނޭނެ ކަމަށް ކޯޗު އިޢުލާންކުރުމާ ގުޅިގެން ފަސް ފަހަރު ބެލޮންޑޯ ހޯދާފައިވާ ތަރި ވަނީ ކޭމްޕް ދޫކޮށް ގޮސް އެވާހަކަ ސޯޝަލް މީޑިއާގައި ޕޯސްޓުކޮށް ޕްރެކްޓިހަށް ވެސް ގޮސްފައެއް ނުވެ އެވެ. ޢުމުރުން 41 އަހަރުގެ ރޮނާލްޑޯ 1000 ގޯލްގެ ލަނޑުދަނޑިއާ ކައިރިވެފައި ހުރި ނަމަވެސް މައްސަލަތައް އޭނާ ދުކޮށް ނުދާ ކަން ސާފެވެ.

މިއީ ރޮނާލްޑޯގެ ކެރިއަރުގައި ދެކޮޅުވެރިކަމެއް އުފެދުނު ފުރަތަމަ ފަހަރެއް ނޫނެވެ. މެންޗެސްޓާ ޔުނައިޓެޑުގައި ދެވަނަ ފަހަރަށް ހޭދަކުރި ދުވަސްވަރު އޭރުގެ ކޯޗު އެރިކް ޓެން ހާގް ރޮނާލްޑޯ އޭނާ އެކަހެރިކުރުމުން މައްސަލަ ހޫނުވެ މެޗު ނުނިމެނީސް ދަނޑު ދޫކޮށް ދިޔައީ ޖޫރިމަނާއެއް ވެސް ރައްދުވާ ގޮތަށެވެ.

ޕިއާސް މޯގަން އިންޓަވިއުގައި ކޯޗާއި ކުލަބުގެ ވެރީންނާއި ވަސީލަތްތަކަށް ފާޅުގައި ރޮނާލްޑޯ ފާޑުކިޔުމުން އޯލްޑް ޓްރެފޯޑާ އެކު އޮތް ގުޅުން ރޫޅިގެން ދިޔައީއެވެ. ސައޫދީ ޢަރަބިއްޔާގެ ލީގަށް ބަދަލުވި ނަމަވެސް ކުޅުންތެރިއެއްގެ ގޮތުގައި ކުރީން ވިދައިލި ކުލަބުން ރަނގަޅު ވަދާޢީ ފުރުޞަތެއް ލިބިފައެއް ނުވެއެވެ.

ސައުދީގެ އަލްނަސްރަށް ދިއުމުގެ ކުރިން ލިއޮނެލް މެސީއަށް ބާސެލޯނާއިން ހުށައެޅި ފެންވަރުގެ އެއްބަސްވުމެއް ކްލަބަކުން އޭނާއަށް ހުށައެޅިކަމުގެ އަޑު އެރުވި ނަމަވެސް އެކަމުގެ ހެއްކެއް ނެތް ކަމަށް ރިޕޯޓުތައް ބުނެއެވެ. އޭގެ ކުރިން އޭނާ ކުޅުނު ޔުވެންޓަސް ވެސް ދޫކޮށްލީ ލީގު ޗެމްޕިއަންކަން ގެއްލި ކުލަބުން ފޮނުވައިލަން ތައްޔާރަށް ތިއްބައެވެ.

ގައުމީ ޓީމާއި ކޯޗާއި ޖެހުނު މައްސަލައިގަ ރޮނާލްޑޯ ބާކީވެފައިވާތަން ފެންނައިރު ރިޕޯޓުތައް ބުނާގޮތުގައި ރޮނާލްޑޯ އަމިއްލައަށް ރިޓަޔާމެންޓު އިއުލާނު ކުރިޔަސް ވާދަވެރި މެސީ އާޖެންޓީނާގެ ޤައުމީ ޓީމުން ރިޓަޔާ ކުރާތީ މުޅި ޤައުމު ވަދާޢީ ރަސްމިއްޔާތަކަށް ތައްޔާރުވެފައި އޮތްގޮތަށް ރޮނާލްޑޯއަށް ވަދާއީ ރަސްމިއްޔާތެއްވެސް ބާއްވާނެ ހެން ހީނުވެ އެވެ.

ދަނޑުމަތިން ފެންނަ މަންޒަރުތަކަށް ބަލާއިރު ޕޯޗުގަލްގެ ގައުމީ ޓީމާއި ހަވާލުވާ ޗޯކުން މިހާރު ރޮނާލްޑޯ ބޭނުންވާތަން ނުފެންނަ ކަމަށް ރިޕޯޓުތައް ބުނެ އެވެ. އެއީ 2022 ވަނަ އަހަރުގެ ވޯލްޑް ކަޕް ނޮކައުޓް ބުރުގައި ގޮންކާލޯ ރާމޮސް އޭނާގެ މަޤާމު ނެގިއެވެ. އެ މުބާރާތަށް ފަހު ކޯޗު ފެނާންޑޯ ސެންޓޯސް ދިޔައީއެވެ.

ރޮބާޓޯ މާޓިނެޒް ރޮނާލްޑޯއަށް ފެށޭ އެގާރައިން ފުރުޞަތު ދީ ކުރިޔަށް ގެންދިޔަ ނަމަވެސް ހަމަލާ ރޭވުމުގައި ޕޯޗުގަލް ދަތިކަމާ ކުރިމަތިލައި ފާޑުކިޔުން ބޮޑުވެ މާޓިނެޒް ވެސް މަޤާމު ދޫކޮށްލީއެވެ. އެއަށް ފަހު ކޯޗުކަމާ ހަވާލުވި ޖީސަސް އަކީ އަލް ނަޞްރުގައި ރޮނާލްޑޯއާ އެކު މަސައްކަތް ކުރި ކޯޗެކެވެ.

ނަމަވެސް ޓީމަށް އެންމެ ރަނގަޅު ނިންމުންތައް ނިންމުމުގައި ޖީސަސް ވެސް ރޮނާލްޑޯ ބެންޗުގައި ބައިންދަން ފަސް ނުޖެހުނެވެ. ޕޯޗުގަލްގެ ޤައުމީ ޓީމާ އެކު ރޮނާލްޑޯ ޔޫރޯ ޗެމްޕިއަންޝިޕަކާއި ނޭޝަންސް ލީގުގެ ދެ ތަށި ހޯދައިފައިވީ ނަމަވެސް މި ހަފުތާގެ ހާދިސާތަކުން އެ ތާރީޚީ ގުޅުމުގައި އިތުރު ހިތި ޞަފުހާއެއް ލިޔެވިގެން ދިޔައީ އެވެ.