މޮޓޯރެންޓުން ކުރިއަށްގެންދިޔަ ލަކީ ޑްރޯއިން ހައްޖު ދަތުރެއް ތ. ވޭމަންޑޫ، ނިއުޝަން، ހަސަން ޝާހިދަށް ލިބިއްޖެއެވެ.

މި ލަކީ ޑްރޯއަކީ މިދިޔަ އަހަރުގެ އޮގަސްޓު މަހުގެ 24 ވަނަ ދުވަހުން ފެށިގެން މި އަހަރުގެ މާރިޗު މަހުގެ 19 ވަނަ ދުވަހާ ހަމައަށް ކުރިއަށްގެންދިޔަ ޑްރޯއެކެވެ. މި މުއްދަތުގެ ތެރޭގައި 2،320 ފަރާތަކުން 11،861 ކޫޕަނާ އެކު ޑްރޯގައި ބައިވެރިވެފައިވެއެވެ. ސައިކަލު ކުއްޔަށް ނަގައި، އެ ދުވަހުން ދުވަހަށް ޕޭމަންޓް ދައްކާ ކޮންމެ ފަރާތަކަށް ދުވާލަކު ކޫޕަނެއް ލިބޭ އުސޫލުން ކުރިއަށްގެންދިޔަ މި ޑްރޯއިން ހޮވުނު ފަރާތަށް ލިބެނީ ހައްޖު ދަތުރެކެވެ.

Advertisement

ހައްޖު ދަތުރު ލިބުނު ފަރާތުން ބޭނުންނަމަ އެ ދަތުރު އެހެން ފަރާތަކަށް ހަދިޔާކުރުމުގެ ފުރުޞަތު ވެސް ލިބެއެވެ. މީގެ އިތުރުން މޮޓޯރެންޓުން އަންނަ އެޕްރީލް މަހުގެ އެއް ވަނަ ދުވަހުން ފެށިގެން ތިން މަސް ދުވަހުގެ މުއްދަތަށް އާ ޕްރޮމޯޝަނެއް ފެށުމަށް ނިންމާފައިވާކަމަށް މޮޓޯރެންޓުން ބުނެެއެވެ. މި ޕްރޮމޯޝަނުން ނަސީބުވެރިޔާ އަށް 14 ދުވަހުގެ އުމްރާ ދަތުރެއް ލިބޭނެއެވެ.

މޮޓޯރެންޓަކީ ރާއްޖޭގައި ސައިކަލު ކުއްޔަށް ދިނުމުގެ ޚިދުމަތް ދޭ އެންމެ ބޮޑު ފްލީޓް ހިންގާ ވިޔަފާރިއެވެ. ހުޅުމާލޭގައި ހިންގާ މި ވިޔަފާރިން ހޮންޑާ އެއާބްލޭޑް 125 އަދި ސްކޫޕީ ކްލަބް12 ފަދަ ސައިކަލު ކުއްޔަށް ދެއެވެ. ރާއްޖޭގައި ފުރަތަމަ ފަހަރަށް އެއްކޮށް އޮންލައިންކޮށް ސައިކަލު ބުކް ކުރެވޭ ނިޒާމެއް ޤާއިމުކުރި ވިޔަފާރިއަކީ ވެސް މޮޓޯރެންޓެވެ.