މި އަހަރުގެ ރަމަޟާން މަހާ ގުޅިގެން، ދިރާގު އެޕް މެދުވެރިކޮށް "ކާށި ބިނދެގެން" ހިލޭ ޑޭޓާ އާއި އަގުހުރި އިނާމުތައް ހޯދޭ ޚާއްޞަ ޕްރޮމޯޝަނެއް ދިރާގުން ތައާރަފުކޮށްފިއެވެ.

ދިރާގުން ނެރުނު ނޫސް ބަޔާނުގައިވާ ގޮތުން މި ޕްރޮމޯޝަން ކުރިއަށްދާނީ ކޮންމެ ދުވަހެއްގެ މެންދުރު 1:00 އިން ހަވީރު 6:00 އާ ހަމައަށެވެ. ކޮންމެ ދުވަހަކު ކާށި ބިންނަ ކަސްޓަމަރުންނަށް 2 ޖީބީގެ ހިލޭ ޑޭޓާ ލިބޭނެއެވެ. އަދި މެދުކެނޑުމެއް ނެތި 30 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް، ދެ މީހަކަށް ޗައިނާގެ ޝަންހާއީގައި އެއް ހަފުތާގެ ޗުއްޓީއެއް ހޭދަކުރުމުގެ ފުރުސަތު ލިބޭނެއެވެ.

Advertisement

އެ ކުންފުނިން ބުނީ ވިދިވިދިގެން 5 ދުވަސް، 10 ދުވަސް ނުވަތަ 20 ދުވަހު ކާށި ބިނދެގެން 1 ޓީބީއާ ހަމައަށް ހިލޭ ޑޭޓާ ލިބޭނެ ކަމަށެވެ. މީގެ އިތުރުން މެދުކެނޑުމެއް ނެތި 10 ދުވަހު ކާށި ބިންނަ ކަސްޓަމަރުންގެ ތެރެއިން ގުރުއަތުން ހޮވޭ ފަރާތަކަށް ސެމްސަންގް ގެލެކްސީ ވޮޗް އަލްޓްރާއެއް ލިބޭއިރު، ޖެހިޖެހިގެން 20 ދުވަހު ކާށި ބިންނަ ކަސްޓަމަރުންނަށް ސެމްސަންގް ގެލެކްސީ އެސް26 އަލްޓްރާ ފޯނެއް ހޯދުމުގެ ފުރުސަތު ލިބޭނެ ކަމަށެވެ.