ކުރީގެ ރައީސް، ރައީސް މުޙައްމަދު ނަޝީދާއި ކުރީގެ ރައީސް، ރައީސް އިބްރާހިމް މުޙައްމަދު ސޯލިހް އެކުގައި ނިކުމެ އަތުގުޅާލައްވައިފިއެވެ.

މި ދެބޭފުޅުން މިއަދު އެމްޑީޕީގެ އޮފީހުގައި ބައްދަލުކުރައްވާފައިވާއިރު ރައީސް ނަޝީދާއި ރައީސް ސޯލިހް ވިދާޅުވީ އެކުގައި މަސައްކަތް ކުރައްވަން ނިންމެވީ އެމްޑީޕީގެ ހަރަކާތްތައް ވަރުގަދަކުރުމާއި ކުރިއަށް އޮތް ލޯކަލް ކައުންސިލް އިންތިޚާބު ކާމިޔާބު ކުރުމާއިމެދުގައި ކަމަށެވެ.

Advertisement

2023 ގެ ރިޔާސީ އިންތިޚާބާއެކު ދެ ބޭފުޅުންގެ ހިޔާލު ތަފާތުވެ ވަކިވެގެންދިޔަ މަންޒަރު އޭރު ފެނިގެންދިޔައިރު މިއަދު ދެބޭފުޅުންވެސް ފާހަގަކުރެއްވީ ކައިރި ނުވެވޭހާ ދުރު ނުވާކަމަށާއި ދުރުވެވެންވެސް ނެތް ކަމަށެވެ.

ޤައުމުގެ ހާލަތަށް ބަލައި ކުރީގެ އެހެން ރައީސުންނަށްވެސް އިސްލާހީ މަސައްކަތަށް ދެ ބޭފުޅުން ދައުވަތު އެރުވިއެވެ.