ރާއްޖޭގެ ކަނާތް ފަޅިން މެލޭޝިޔާ އަދި އިންޑޮނޭޝިޔާ އައްސޭރީގައި ތޫފާނެއް އުފެދިއްޖެއެވެ.

މެލޭޝިޔާގެ މަލައްކާ ކައިރިން އަދި އިންޑޮނޭޝިޔާގެ އައްސޭރިއާވެސް ކައިރީގައި ހުރި ކޮޅިގަނޑެއް މިއަދުގެ ވަގުތެއްގައި ތޫފާނަކަށް ބަދަލުވެފައިވާކަމަށް އިންޑިއާގައި ގާއިމުކޮށްފައިވާ ސަރަހައްދީ މޫސުމާއިބެހޭ އިދާރާއިން ބުނެފައިވެއެވެ.

Advertisement

އެ އިދާރާއިން ބުނެފައިވާގޮތުގައި އެ ތޫފާން އޭގެ ބާރުމިން ކުރިއަށް އޮތް 24 ގަޑިއިރެއްހާއިރު ދަމަހައްޓާނެއެވެ. އަދި އެއަށްފަހު ބާރު ދަށްވާނެ ކަމަށް އަންދާޒާކޮށްފައިވެއެވެ.

ތޫފާނަށް ދީފައިވާ ނަމަކީ ސެންޔަރް އެވެ. މި ނަމަކީ މި ސަރަހައްދުގައި އުފެދޭ ތޫފާންތަކަށް ނަން ދިނުމަށް އެކުލަވާލާފައިވާ ނަން ތާވަލަށް އެކުވެރި އަރަބި އިމާރާތުން ދީފައިވާ ނަމެކެވެ. މިއީ މި ސަރަހައްދުގެ ތޫފާނީ މޫސުމުގެ ތިންވަނަ ތޫފާނެވެ.