ދިވެހި ފުލުހަކު ކުޑަ ކުއްޖަކަށް ޖިސްމާނީ އަނިޔާއެއްވާފަދަ ޢަމަލެއް ހިންގި މައްސަލައެއް ފުލުހުން ތަޙްޤީޤުކުރަން ފަށައިފިއެވެ.

މިކަން ހާމަކޮށް ފުލުހުން ބުނެފައިވަނީ ހުކުރު ދުވަހު ހަވީރުގެ ވަގުތެއްގައި ސައުތު ސެންޓްރަލް ރީޖަންގައި ހިމެނޭ ރަށެއްގައި ފުޓްސަލް ދަނޑުގައި ކުޅެން އުޅނު ކުދިންތަކެއްގެ މެދުގައި ޖެހުނު ހަމަނުޖެހުމަކާއި ގުޅިގެން، އެތަނުން ކުއްޖެއްގެ ޢާއިލީ މަސްލަޙަތު އޮންނަ ފުލުހަކު އެހެން ކުއްޖަކަށް ޖިސްމާނީ އަނިޔާއެއް ޢަމަލެއް ކޮށް ބިރުދައްކާފައިވާކަމަށް ތުހުމަތު ކުރެވޭ މައްސަލައެއް އިއްޔެ ހުށަހެޅުނު ކަމަށެވެ.

Advertisement

ފުލުހުން އިތުރަށް ބުނެފައިވަނީ އެ މައްސަލައިގާ ޖިނާއީ ބައި ފުލުހުން އަންނަނީ ތަޙުޤީޤުކުރަމުން ކަމަށާއި އަދި ފުލުހެއްގެ މައްޗަށް ތުހުމަތު ކުރެވޭ މައްސަލައަކަށްވުމާއެކު އިދާރީ މައްސަލަ ޕްރޮފެޝަނަލް ސްޓޭންޑަޑަސް ކޮމާންޑުންވެސް ބަލަމުން އަންނަކަމަށް ފުލުހުން ބުނެފައިވެއެވެ.