ދަ ގްރޭޓާ މާލެ އޭރިއާގެ ގެއެއްގައި ކުޑަ ދެ އަންހެން ކުއްޖަކަށް ޖިންސީ ގޯނާ ކުރިކަމުގެ ތުހުމަތު އަމާޒުވާ ސިފައިންގެ މީހާ އޭނާގެ މަގާމުގެ މަސްޢޫލިއްޔަތުން ސަސްޕެންޑުކޮށްފިއެވެ.

ސިފައިންގެ އެމީހާ މަޤާމުގެ މަސްޢޫލިއްޔަތުން އެކަހެރިކޮށްފައިވާކަން ދުވަހަށް ކަށަވަރު ކުރެވިފައިވެއެވެ. 

Advertisement

މީޑިއާތަކަށް މަޢުލޫމާތުދެމުން ފުލުހުން އިއްޔެ ބުނެފައިވަނީ ކުޑަ ދެ އަންހެން ކުއްޖަކަށް ޖިންސީ ގޯނާ ކޮށްފައިވާކަމުގެ ތުހުމަތު ކުރެވޭ މައްސަލައެއް އާދީއްތަ ދުވަހު ހުށަހަޅާފައިވާކަމަށެވެ.

ފުލުހުން އަދި އިތުރު ތަފުސީލެއް ހާމައެއް ނުކުރެއެވެ.

ދުވަހަށް އެނގިފައިވާގޮތުގައި ވަޒީފާގެ މަސްޢޫލިއްޔަތުން އެކަހެރި ކުރި ނަމަވެސް އަދި މައްސަލަ ތަޙުޤޤު ކުރަމުންދިޔަ ނަމަވެސް މައްސަލައާއި ގުޅިގެން އަދި އެމީހާ ފުލުހުންގެ ބެލުމުގެ ދަށަށް ގެންގޮސްފައެއް ނުވެއެވެ.