ލަންކާ މީޑިއާ ރިޕޯޓުތައް ބުނާގޮތުން ލަންކާގެ ނޭވީ އިން ޚާއްޞަ އޮޕަރޭޝަނެއް ފެށީ އާދީއްތަ ދުވަހުގެ ފަތިހު 05:30 ހާއިރުގައެވެ.

06:00 ހާއިރު، ސްރީ ދޭވީ ނަމަކަށްކިޔާ ބޯޓެއް ނޭވީގެ ލަންކާ ކައިރިން ނޭވީގެ ބެލުމުގެ ދަށަށް ގެންދިޔައެވެ.  އެ ބޯޓުން ހަ މީހަކު ހައްޔަރުކުރިއެވެ. އަދި އެ ބޯޓުން އެކު ޖުމުލަ 335 ކިލޯގެ މަސްތުވާތަކެތި އަތުލައިގަނެވުނު ކަމަށް ހަމަ އެ ދުވަހު ރިޕޯޓުކުރިއެވެ.

Advertisement

އެ ބޯޓު ދިކޮވިޓާ ބަނދަރަށް ގެންގޮސް ކަމާބެހޭ ފަރާތްތަކާއި މަސްތުވާ އެ ތަކެތި ހަވާލުކޮށްފައިވާއިރު އޭގައި ހިމެނެނީ 251 ކިލޯ 18 ގްރާމް ކްރިސްޓަލް މެތާއި 85 ކިލޯ ހެރޮއިން އެވެ.

ސްރީދޭވީ ބޯޓާއި އެ ބޯޓުން އަތުލައިގަތް މަސްތުވާތަކެތި - 

ހައްޔަރުކުރި މީހުން މި މަހުގެ އަށްވަނަ ދުވަހާއި ހަމައަށް ބަންދަށް މުއްދަތު ޖަހާފައިވާއިރު ލަންކާ ފުލުހުންނާއި ހަވާލާދީ ލަންކާ މީޑިއާގައި މިއަދު ބައެއް އިތުރު ތަފުސީލު ހާމަކޮށްފައިވެއެވެ.

އެގޮތުން މިއަދު ހާމަކުރި ތަފުސީލަށް ބަލާއިރު އެ މަސްތުވާތަކެތި ސްރީދޭވީއަށް ބަރުކުރީ ރާއްޖޭގެ ކަނޑުގެ ސަރަހައްދުންކަމަށް ފުލުހުންނާ ހަވާލާދީ ރިޕޯޓުކޯށްފައިވެއެވެ.