ސްޓެލްކޯގެ ސަބްސްޓޭޝަނަކުން ކޭބަލް ވަގަށް ނަގަން އުޅުނުކަމުގެ ތުހުމަތުގައި އއ. މަތިވެރިއަށް ނިސްބަތްވާ ތިން މީހަކު ހައްޔަރުކޮށްފިއެވެ.

މިފަދަ މައްސަލައެއްގައި ހައްޔަރުކޮށްފައިވަނީ އެ ރަށު ހަނދުވަރީގޭ، އުމުރުން 42 އަހަރުގެ މުހައްމަދު ޖަމީލާއި ހަމަ އެ ރަށު އިރަމާގޭ، އުމުރުން 52 އަހަރުގެ އާދަމް ޝަރީފާއި ހަމަ އެ ގޭ، އުމުރުން 44 އަހަރުގެ ހަސަން ޝަރީފެވެ. އެއީ ދެބެން ކަމުގައި ބެލެވެއެވެ.

Advertisement

އެ ތިން މީހުންގެ ބަންދަށްވެސް ކޯޓުން 15 ދުވަހުގެ މުއްދަތެއް ޖަހާފައިވާއިރު ތިން މީހުންގެ ބަންދު އަމުރުގައިވެސް ފާހަގަކޮށްފައިވަނީ ތިން މީހުންވެސް ހައްޔަރުކޮށްފައިވަނީ ސީން އާއި މާ ދުރުނޫން ހިސާބަކުން ކަމަށާއި އެ ފަރާތްތަކުގެ ހަރަކާތްތައް ސްޓެލްކޯގެ ކެމެރާތަކުން ފެންނަ ކަމަށް އައިއޯ ފާހަގަކުރި ކަމަށެވެ.