އައްޑޫ ސިޓީގެ ފޭދުއާއި ހުޅުދުއާއި މީދޫގައި ވަކި ކައުންސިލްތަކެއް ގާއިމުކުރަން ފެނޭތޯ ނަގާ ރެފެރަންޑަމް ވޯޓުގެ ވޯޓުލުން ފެށިގެން ކުރިއަށް އެބަ ދެއެވެ.

މިއަދު ހަވީރު ހަތަރަކާއި ހަމައަށް ކުރިއަށްދާ މި ވޯޓުލުމުގެ ހައްގު 9576 މީހަކަށް ލިބިފައިވާއިރު ހެނދުނު ދިހަޔަކާއި ހަމައަށް 695 މީހަކު ވޯޓު ލާފައިވާކަމަށް އިލެކްޝަންސް ކޮމިޝަނުން ބުނެއެވެ. އެއީ ވޯޓު ލިބުމުގެ ހައްގު ލިބިފައިވާ މީހުންގެ 7.26 އިންސައްތައެވެ.

Advertisement

ވޯޓުލުން ކުރިއަށްދާއިރު ފޭދޫގައި ފަސް ފޮށި، ހުޅުދޫގައި ތިން ފޮށި، މީދޫގައި ތިން ފޮށި، މާލޭގައި ހަތް ފޮށި ހިމެނޭހެން އެކު ޖުމްލަ 18 ވޯޓު ފޮއްޓެއް ބަހައްޓާފައިވެއެވެ.

އިލެކްޝަންސް އިން ބުނެފައިވަނީ ފޮށިތައް ހަތަރެއްގައި ބަންދުކޮށް 30 މިނެޓު ފަހުން ވޯޓު ގުނަން ފަށާނެ ކަމަށެވެ.