އިންޑިއާގެ ވެސްޓް ބެންގޯލްގެ ޑާޖެލިންގ ސަރަހައްދުގައި ހޮނިހިރު ދުވަހުން ފެށިގެން ބޯކޮށް ވާރޭވެހި ފެންބޮޑުވެ ހިނގަމުން އަންނަ ހިތާމަވެރި ހާދިސާތަކުގައި މަރުވި އަދަދު 28 އަށް އަރައި ގެއްލުނު މީހުންގެ އަދަދު 30 އިން މައްޗަށް ގޮސްފިއެވެ.

އިންޑިއާ މީޑިއާއިން ރިޕޯޓްކޮށްފައިވާގޮތުގައި ގިނަ ބަޔަކު މަރުވެފައިވަނީ ޑާޖެލިންގެ މިރްކް ހިލް ސްޓޭޝަން ސަރަހައްދުންނެވެ. އެއީ ބިންގަނޑު އުސް ސަރަހައްދެވެ. އެ ސަރަހައްދުން ބިންގަނޑު ކަނޑައިގެން ގޮސް ބިންގަނޑު ކަހާލައިގެން ދިއުމުގެ ހާދިސާތައް ހިނގަމުން އަންނައިރު ޑާޖެލިންގެ އެކި ސަރަހައްދުތަކުން ބައެއް ބްރިޖުތައް ހަލާކުވުމާއި ގެތައް ބިމާއި ހަމަވުމާއި މަގުތަކާއި އިންފްރާސްޓްރަކްޗަރ ހަލާކުވުން ހިމެނެއެވެ.

Advertisement

ފާއިތުވި 24 ގަޑިއިރުގެ ތެރޭގައި ޑާޖެލިންއަށް 261 މިމިލިމީޓަރު ވާރޭ ވެހުނު ކަމަށް ރެކޯޑުކުރެވިފައިވާއިރު ކުރިއަށް އޮތް 24 ގަޑިއިރުގެ ތެރޭގައިވެސް ބޯކޮށް ވާރޭވެހި ހާލަތު އިތުރަށް ގޯސްވުމުގެ ފުރުޞަތު އޮތް ކަމަށް އަންދާޒާކޮށްފައިވެއެވެ.

ހާލަތު ކުއްލިއަކަށް ގޯސްވުމުންނާއި ބައެއް ބްރިޖްތައް ވެއްޓިފައިވުމުން ބައެއް ސަރަހައްދުތަކުން މީހުން ސަލާމަތް ކުރުމުގެ އޮޕަރޭޝަންތަކަށްވެސް ވަނީ ބުރޫ އަރާފައެވެ.