ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ ޑިރެކްޓަރުންގެ ބޯޑަށް ޢާއިޝަތު މުޒްނާ އައްޔަނުކޮށްފިއެވެ.

މިކަން ހާމަކޮށް ޕްރައިވަޓައިޒޭޝަން އަދި ކޯޕަރަޓައިޒޭޝަން ބޯޑުން މިއަދު ބުނެފައިވަނީ ސްޓޭޓް އިލެކްޓްރިކް ކޮމްޕެނީ ލިމިޓެޑްގެ ޑިރެކްޓަރުންގެ ބޯޑުގެ މެންބަރުކަމުގެ މަޤާމުން ތ. ތިމަރަފުށި، ބޮޑުގެ އަލްފާޟިލް މުޙައްމަދު ޢާމިރު ވަކިކޮށް، އެ މަޤާމަށް މއ. ޑޯންޝައިން، އަލްފާޟިލާ ޢާއިޝަތު މުޒްނާ ވަނީ އައްޔަނުކޮށްފައިކަމަށެވެ.

Advertisement

ސްޓެލްކޯގެ ޑިރެކްޓަރުންގެ ބޯޑަށް މުޒްނާ އައްޔަނުކުރުމުން އެ ކުންފުނިން ވަނީ މުޒްނާއަށް މަރްޙަބާ ދަންނަވާފައެވެ.

ސްޓެލްކޯގެ މަރްޙަބާގެ މެސެޖުގައި ބުނެފައިވަނީ އެ ކުންފުނީގެ ޑެޕިއުޓީ މެނޭޖިންގ ޑިރެކްޓަރުގެ މަޤާމުގައި ހުންނެވި އަލްފާޟިލާ ޢާއިޝަތު މުޒްނާ ކުންފުނީގެ ޑިރެކްޓަރުންގެ ބޯޑުގެ އެގްޒެކެޓިވް މެމްބަރުކަމަށް ޢައްޔަން ކުރެއްވުމާއި ގުޅިގެން ކުންފުނީގެ ބޯޑުގެ މެމްބަރުންނާއި، އިސްވެރިން އަދި އެންމެހާ މުވައްޒަފުންގެ ނަމުގައި ވަރަށް ހޫނު މަރުޙަބާއެއް ދަންނަވާކަމަށެވެ.