ނުތަނަވަސްކަމުގެ ތެރޭގައި ޖަޕާނުގެ ކުންފުނިތަކުން ވިސްނަމުން ދަނީ "ޒީރޯ-ޗައިނާ" އަށް ދިއުމަށް

އެމެރިކާއާ އެކު ޗައިނާއިން އިތުރުވަމުންދާ ހަމަނުޖެހުންތަކުގެ ތެރޭގައި ޖަޕާނުގެ ކުންފުނިތަކުން ދަނީ އެގައުމަށް ބަރޯސާ ނުވާ ސަޕްލައި ޗެއިންތަކެއް ހަދަން މަސައްކަތް ކުރަމުންނެވެ.

މިކަމުގެ ސަބަބުން ގިނަ ބާވަތްތަކުގެ އަގުތައް ވަރަށް ބޮޑަށް އުފުލޭނެ ކަމަށް ބެލެވެ އެވެ.

ގާތްގަނޑަކަށް 1.4 ޓްރިލިއަން ޔެން (9.4 ބިލިއަން ޑޮލަރު) ގެ ގޮތުގައި ޗައިނާއިން އެތެރެކުރާ މުދަލުގެ 80 އިންސައްތަ ދެ މަސް ދުވަހަށް މެދުކެނޑިއްޖެނަމަ، ގޭތެރޭގެ ސާމާނާއި ވެހިކަލްތަކާއި ޕްލާސްޓިކާއި ފޭރާމާއި ކާބޯތަކެތީގެ ބާވަތްތައް ހިމެނޭ ގޮތަށް ޖަޕާނަށް ތަފާތު ބާވަތްތައް އުފައްދަން ނުކެރޭނެ އެވެ.

ފިނި ހަނގުރާމަ ނިމުމަކަށް ގެނައުމަށްފަހު ގްލޯބަލިޒަމްގައި ކުރީގެ ކޮމިއުނިސްޓް-ބްލޮކްގެ ޤައުމުތައް ހިމެނި، އިޤްތިޞާދީ ގޮތުން ބަރޯސާވުން އިތުރުވެގެން ދިޔައެވެ. ހާއްސަކޮށް ޖަޕާނަކީ ޗައިނާއާ ވަރަށް ވަރުގަދަ ގުޅުމެއް އޮންނަ ގައުމެކެވެ. 2020 ވަނަ އަހަރުގެ ނިޔަލަށް ޖަޕާނުން އިމްޕޯޓްކުރި މުދަލުގެ 26 އިންސައްތަ ހިއްސާކޮށްފައިވަނީ އެ ޤައުމެވެ.

ޓޯކިޔޯގެ ސަޕްލައި ޗެއިން ރިސާޗް ފާމެއް ކަމަށްވާ އޯލްސް ކޮންސަލްޓިން ގްރޫޕުން ބުނި ގޮތުގައި، ގޭތެރޭގެ ސާމާނާއި ކާރު ފަދަ ބޮޑެތި 80 އުފެއްދުމެއް ޗައިނާއިން އެތެރެކުރުން ހުއްޓާލައި، އެތެރޭގެ އުފެއްދުންތައް ބަދަލުވެއްޖެ ނަމަ، އަހަރަކު 13.7 ޓްރިލިއަން ޔެން ހަރަދު ބޮޑުވާނެ އެވެ. އަދި އުފެއްދުންތަކުގެ އަގުތައް ވެސް އުފުލޭނެ އެވެ. މިއީ ޓޯކިޔޯ ސްޓޮކް އެކްސްޗޭންޖުގެ ޕްރައިމް މާކެޓްގައި ލިސްޓުކޮށްފައިވާ އުފެއްދުންތެރި ކުންފުނިތަކުގެ ސާފު އާމްދަނީގެ 70 ޕަސެންޓެވެ.

ކުންފުނިތައް ޗައިނާއާ ވަރަށް ގާތުން ގުޅިފައި އޮންނަނީ، ހަރުމުދާ ހޯދުން ފަދަ އަޕްސްޓްރީމް އިން ފެށިގެން ޕްރޮޑަކްޓް އެސެމްބްލީ ފަދަ ޑައުންސްޓްރީމް އާ ހަމައަށެވެ. ސުލްހައިގެ ދުވަސްވަރު ޗައިނާގައި ވިޔަފާރި ކުރަމުން ގެންދާއިރު، ޒީރޯ-ޗައިނާ އޮޕްޝަނަށް ތައްޔާރުވުމަށް ކުންފުނިތަކަށް ވެސް ދަނީ ބާރު އަޅަމުންނެވެ.