މާލޭ ވިޔަފާރި ބަނދަރުގައި ނުގެންގޮސް ގިނަދުވަހު ބެހެއްޓިފައިވާ މުދާ ނީލަންކިޔަނީ

ރާއްޖެއަށް މުދާ އެތެރެކޮށް މާލޭ ވިޔަފާރި ބަނދަރުގައި ނުގެންގޮސް ގިނަދުވަހު ބެހެއްޓިފައިވާ، މުދާތައް ނީލަމުގައި ވިއްކާލުމަށް ނިމްމާފައިވާކަމަށް މޯލްޑިވްސް ޕޯޓްސް ލިމިޑެޓް (އެމްޕީއެލް) އިން ބުނެފިއެވެ.

މުދާ ބެލުމަށް ނަން ނޯޓް ކުރުން އޮންނާނީ 2021 ޖޫން 06ވަނަ ދުވަހުގެ 10:00 ކުރިން، ނީލަން މުދާބެލުމަށް އެދޭ ފޯމުhttps://rb.gy/masuvr  ފުރިހަމަކޮށްގެން ކަމަށް އެމްޕީއެލްއިން ބުނެއެވެ.

މުދާ ބެލުން އޮންނާނީ 2021 ޖޫން 06 ވާ އާދީއްތަ ދުވަހުގެ 14:00 ގައި ކަމަށާއި މުދާބެލުމަށް ދާއިރު ޕޯޓް ގެ ޤަވާއިދާއެއްގޮތަށް (ބޫޓް، ވެސްޓް އަދި ހެލްމެޓް ހިފައިގެން) ދިއުމަށް އެމްޕީއެލްއިން އެދިފައިވެއެވެ.

މި ނީލަމުގައި ބައިވެރިވެވޭނީ 07 ޖޫން 2021 ވާ ހޯމަ ދުވަހުގެ 14:00 ގެ ކުރިން، ނީލަމުގައި ބައިވެރިވުމަށް އެދި ނީލަމުގައި ރަޖިސްޓްރީ ކުރާ ފޯމު ފުރިހަމަކޮށް އެޑްވާންސް ޕޭމަންޓް ދައްކާ ފަރާތްތަކަށެވެ.

ނީލަން ކިއުން އޮންނާނީ 08 ޖޫން 2021 ވާ އަންގާރަ ދުވަހު 14:00 ން ފެށިގެން އެމްޕީއެލް ހެޑް އޮފީސް ގެ ބަނދަރު މާލަމު ގައެވެ.

ނީލަމާއިބެހޭ އިތުރު މަޢުލޫމާތު އެމްޕީއެލްގެ ކާގޯ ކްލިއަރެންސް ޑިޕާރޓްމެންޓް އަދި ވެބްސައިޓް އިން ލިބޭނެކަމަށް އެމްޕީއެލްއިން ބުނެއެވެ.