ބިދޭސީ ވޭޓަރުގެ މަރާ ގުޅިގެން އިތުރު މީހަކު ހައްޔަރުކޮށްފި

ބަނގްލަދޭޝްގެ ރައްޔިތެއް ކަމަށްވާ ޝާހީން މިއާ (29އ) ގެ މަރުގެ މައްސަލައާ ގުޅިގެން އިތުރު މީހަކު ހައްޔަރުކޮށްފިއެވެ.

ފުލުހުން ބުނީ މި މައްސަލައާ ގުޅިގެން 02 ވަނަ މީހަކު ހައްޔަރު ކޮށްފައި ވަނީ ކޯޓު އަމުރެއްގެ ދަށުން މިރޭ 09:30 ހާއިރު ކަމަށެވެ.

މިރޭ ހައްޔަރުކުރި 24 އަހަރުގެ މީހާގެ އިތުރުން މި މައްސަލައާއި ގުޅިގެން މިއަދު ހަވީރުގެ ވަގުތެއްގައި 21 އަހަރުގެ ދިވެހި ފިރިހެނަކުވެސް ހައްޔަރު ކޮށްފައިވެއެވެ.

ޝާހީން މިއާ މަރުވެފައިވަނީ، 2015 މާރޗް 22 ވަނަ ދުވަހުގެ ފަތިހު 04:00 ހާއިރު މޫނު ނިވާކޮށްގެން ތިބި ބަޔަކު އޭނާ މަސައްކަތް ކުރާ ކެފޭ ތެރެއަށް ވަދެ ތޫނު އެއްޗަކުން ހަމަލާ ދިނުމުގެ ސަބަބުންނެވެ.