ވޯޓުލާ ވަގުތު ހަމަވެ، ފޮށިތައް ބަންދު ކުރަން ފަށައިފި

ރިޔާސީ އިންތިހާބުގެ ދެވަނަ ބުރުގެ ވޯޓުލާ ވަގުތު ހަމަވެ، ވޯޓު ފޮށިތައް ބަންދު ކޮށްފިއެވެ.

އިލެކްޝަންސް ކޮމިޝަނުން (އީސީ)އިން ބުނީ، ރިޔާސީ އިންތިޚާބު 2023ގެ ދެވަނަ ބުރުގެ ވޯޓު ނެގުމުގެ ވަގުތު 17:00އަށް ހަމަވެ ކިއުތައްވަނީ ބަންދުކުރެވިފައިވާ ކަމަށެވެ. 17:00 އާހަމައަށް ކިއުގައި މީހުންތިބިނަމަ އެ މީހުން ވޯޓުލާ ނިމުމުން ފޮށި ބަންދުކުރެވޭނެ ކަމަށް އީސީން ބުނެފައި ވެއެވެ.

ރިޔާސީ އިންތިޚާބު ދެވަނަ ބުރުގައި 16:00އާ ހަމައަށް ވޯޓުލާފައިވަނީ 78 އިންސައްތަ މީހުން ކަމަށް އީސީން ބުނެފައިވެއެވެ.