ބޯކޮށް ވާރޭވެހި ބާރަށް ގުގުރާނެކަމަށް ލަފާކޮށް ދެކުނަށް ރީނދޫ ސަމާލު

ދެކުނުގެ އަތޮޅުތަކަށް ބޯކޮށް ވާރޭވެހި ބާރަށް ގުގުރާނެކަމަށް ލަފާކޮށް މޫސުމާއިބެހޭ ގައުމީ އިދާރާއިން ރީނދޫ ސަމާލު ނެރެފިއެވެ.

މި ސަމާލު ނެރެފައިވަނީ ތ އަތޮޅުން ފެށިގެން އައްޑޫ ސިޓީއާއި ދެމެދުގެ ރަށްތަކަށެވެ. މި ސަމާލު ނެރެފައިވަނީ ހެނދުނު 07:40 އިން ފެށިގެން ހެނދުނު 11:30 އާއި ދެމެދުގެ ވަގުތަށެވެ.

ދެކުނަށް މި ސަމާލު ނެރެފައިވާއިރު މިއަދު ރާއްޖޭގެ އެކި ސަރަހައްދުތަކަށް ވާރޭވެހޭނެކަން މެޓުން ހާމަކޮށްފައިވެއެވެ.

މޫސުން ގޯސްވެފައިވާއިރު ރޭގައި އެކަނި ކަނޑުމަތީގެ ހަތް ހާދިސާއަކާއި ގުޅިގެން ހަރަކާތްތެރިވިކަން އެމްއެންޑީއެފުން ހާމަކޮށްފައިވެއެވެ.