ރައްޔިތުންގެ މަޖިލީހުގެ އިންތިޚާބާއި ގުޅިގެން އަވަސްކުރި، ދަރިވަރުންގެ އިމްތިހާނުތައް ކުރިއެކޭ އެއްގޮތަށް ކުރިއަށްގެންދިއުމަށް އެޑިއުކޭޝަން މިނިސްޓަރާއި ވާހަކަ ދެކެވިފައިވާކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ ރޭގައި ސަންގު ޓީވީއަށް ދެއްވި އިންޓަވިއުއެއްގައެވެ.
އެ އިންޓަވިއުގައި ރައީސް ވިދާޅުވީ މަޖިލިސް އިންތިހާބުގެ ތާރީހަށް އައި ބަދަލާއެކު ދަރިވަރުންގެ އިމްތިހާނުތައް އަވަސްކުރުމަށް ނިންމި ނިންމުމާއި ގުޅޭގޮތުން ބެލެނިވެރިންގެ ކަންބޮޑުވުން ލިބެމުން އަންނަ ކަމަށާއި ބެލެނިވެރިންނާއި ދަރިވަރުންނަށް ދަތި ނުވާނެހެން އެ އިމްތިހާނުތައް އަވަސްނުކުރުމަށް މިނިސްޓަރާއި ވާހަކަ ދެކެވިފައިވާކަމަށެވެ.
ކުރިން އިމްތިހާނުތައް ބާއްވަން އޮތީ އަންނަ އޭޕްރީލް މަހުގެ 16 އިން 27 އަށެވެ. ނަމަވެސް މަޖިލިސް އިންތިހާބު ފަސްކުރުމުން އިމްތިހާނުތައް އަވަސްކުރުމަށް އެޑިއުކޭޝަން މިނިސްޓްރީއިން ސްކޫލްތަކަށް އެންގިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް