ރޯދަމަހު މަޖިލީހުގެ ޖަލްސާތައް ހެނދުނު 10:30 ގައި

މި އަހަރުގެ ރޯދަ މަހު ރައްޔިތުންގެ މަޖިލީހުގެ ޖަލްސާ ފަށާނީ ހެނދުނު 10:30 ގައި ކަމަށް ކަނޑައަޅައިފިއެވެ.

ރޯދަ މަހު ޖަލްސާތައް ކުރިޔަށް ގެންދަނީ ދެ ދަންފަޅިއަކަށް ބަހާލައިގެންނެވެ.

މިހާރު ކުރިޔަށްދާ މަޖިލީހުގެ ޖަލްސާގައި ރައީސް މުހައްމަދު ނަޝީދު ވިދާޅުވީ މަޖިލީހުގެ ޖަލްސާގެ ފުރަތަމަ ދަންފަޅި ކުރިއަށްދާނީ ހެނދުނު 10:30 އިން މެންދުރު 12:00 އަށް ކަމަށެވެ. އެއަށްފަހު އެއްގަޑިއިރުގެ ބްރޭކަކަށް ފަހު ދެވަނަ ދަންފަޅި ކުރިއަށްދާނީ މެންދުރު ފަހު 1:00 އިން 2:00 އަށް ކަމަށް ވެސް ނަޝީދު ވިދާޅުވިއެވެ.

މަޖިލީހުގެ ރައީސް ވިދާޅުވީ މަޖިލީހުގެ ޖަލްސާގެ ގަޑި އެގޮތަށް ކަނޑައެޅިފައިވީ ނަމަވެސް، މަޖިލީހުގެ ކޮމިޓީތަކުގެ މަސައްކަތްތައް އެކި ގަޑިތަކުގައި ކުރިއަށްދާނެކަމަށެވެ.

މިއަދު ކުރިޔަށްދާ ޖަލްސާއަކީ ރޯދައިގެ ކުރިން ބޭއްވޭ އެންމެ ފަހު ޖަލްސާއެވެ.